சங்கீதம்

 2 என் கடவுளே, நான் உங்களையே நம்பியிருக்கிறேன்.+

என்னை அவமானப்பட விட்டுவிடாதீர்கள்.+

 3 உங்கள்மேல் நம்பிக்கையாக இருக்கிற யாருமே அவமானப்பட மாட்டார்கள்.+

காரணம் இல்லாமல் துரோகம் செய்கிறவர்களுக்குத்தான் அவமானம் காத்திருக்கிறது.+

 4 யெகோவாவே, உங்களுடைய பாதைகளை எனக்குக் காட்டுங்கள்.+

உங்களுடைய வழிகளை எனக்குக் கற்றுக்கொடுங்கள்.+

 5 உங்களுடைய சத்திய பாதையில் என்னை நடத்தி, எனக்குக் கற்றுக்கொடுங்கள்.+

ஏனென்றால், என்னை மீட்கும் கடவுள் நீங்கள்தான்.

 6 யெகோவாவே, உங்களுடைய இரக்கத்தையும் மாறாத அன்பையும்+ நினைத்துப் பாருங்கள்.

அவற்றை ஆரம்பக் காலத்திலிருந்தே நீங்கள் காட்டி வருகிறீர்களே.+

யெகோவாவே, நீங்கள் நல்ல மனம் உள்ளவராக இருப்பதால்,+

உங்களுடைய மாறாத அன்பின்படியே என்னை நினைத்துப் பாருங்கள்.+

 9 அவர் தாழ்மையானவர்களை* நேர்வழியில் நடத்துவார்.+

தாழ்மையானவர்களுக்கு* தன்னுடைய பாதையைக் காட்டுவார்.+

10 யெகோவா தன் ஒப்பந்தத்துக்கும்+ நினைப்பூட்டுதல்களுக்கும்+ கீழ்ப்படிகிறவர்களிடம்

எப்போதுமே மாறாத அன்பைக் காட்டி, உண்மையோடு நடந்துகொள்கிறார்.

11 யெகோவாவே, நான் செய்த குற்றம் பெரிதாக இருந்தாலும்,

உங்கள் பெயருக்காக+ என்னை மன்னித்துவிடுங்கள்.

13 அவன் நன்மைகளை அனுபவிப்பான்.+

அவனுடைய சந்ததிக்கு இந்தப் பூமி சொந்தமாகும்.+

14 தனக்குப் பயந்து நடக்கிறவர்களுக்கு யெகோவா நெருங்கிய நண்பராக இருக்கிறார்.+

தன்னுடைய ஒப்பந்தத்தை அவர்களுக்குத் தெரியப்படுத்துகிறார்.+

15 என் கண்கள் எப்போதும் யெகோவாவையே எதிர்பார்த்துக்கொண்டு இருக்கின்றன.+

அவரே என் கால்களை வலையிலிருந்து விடுவிப்பார்.+

16 உதவிக்கு யாரும் இல்லாமல் நான் தனியாகத் தவிக்கிறேன்.

அதனால், உங்கள் முகத்தை என் பக்கமாகத் திருப்பி, எனக்குக் கருணை காட்டுங்கள்.

17 என் இதயத்தின் வேதனைகள் பெருகிவிட்டன.+

இந்தத் தவிப்பிலிருந்து என்னை விடுவியுங்கள்.

18 நான் படுகிற துன்பத்தையும் துயரத்தையும் பார்த்து,+

என் பாவங்களையெல்லாம் மன்னித்துவிடுங்கள்.+

19 எத்தனை பேர் என்னை எதிர்க்கிறார்கள் பாருங்கள்!

எவ்வளவு மூர்க்கமாக என்னை வெறுக்கிறார்கள் பாருங்கள்!

21 என்னுடைய உத்தமமும் நேர்மையும் என்னைப் பாதுகாக்கட்டும்.+

நான் உங்களையே எதிர்பார்த்துக் காத்திருக்கிறேன்.+