சங்கீதம்

தண்ணீர் இல்லாமல் வறண்டு கிடக்கும் தேசத்திலே,

உங்களுக்காகத் தவித்துத் தவித்துத் துவண்டு விழுகிறேன்.+

 2 பரிசுத்த இடத்தில் நான் உங்களைப் பார்த்தேன்.

உங்களுடைய பலத்தையும் மகிமையையும் கண்டேன்.+

 3 உங்களுடைய மாறாத அன்பு உயிரைவிட மேலானது.+

அதனால், என் உதடுகள் உங்களை மகிமைப்படுத்தும்.+

 4 வாழ்நாளெல்லாம் உங்களைப் புகழ்வேன்.

உங்களுடைய பெயரைச் சொல்லி வேண்டிக்கொள்வேன்.*

 5 அருமையான விருந்தைச் சாப்பிட்டது போல நான் திருப்தியாக உணர்கிறேன்.

அதனால், சந்தோஷம் பொங்க என் உதடுகளால் உங்களைப் புகழ்வேன்.+

 6 படுத்திருக்கும் நேரத்தில் உங்களை நினைத்துப் பார்க்கிறேன்.

நடுராத்திரியில் உங்களைப் பற்றித் தியானித்துப் பார்க்கிறேன்.+

 7 ஏனென்றால், நீங்கள்தான் எனக்குத் துணை.+

உங்களுடைய சிறகுகளின் நிழலில் சந்தோஷத்தோடு உங்களைப் புகழ்ந்து பாடுவேன்.+

 8 உங்களை இறுக்கமாகப் பிடித்துக்கொண்டிருக்கிறேன்.

உங்கள் வலது கை என்னைக் கெட்டியாகப் பிடித்திருக்கிறது.+

 9 என் உயிரை எடுக்கத் துடிப்பவர்கள்

பூமியின் ஆழத்துக்குள் புதைந்துபோவார்கள்.

10 அவர்கள் வாளுக்குப் பலியாவார்கள்.

நரிகளுக்கு* இரையாவார்கள்.

கடவுளுடைய பெயரில் சத்தியம் செய்கிற எல்லாரும் பூரித்துப்போவார்கள்.*

ஏனென்றால், பொய் பேசுகிறவர்களின் வாய் அடைக்கப்படும்.