சங்கீதம்

126 யெகோவா நம்மை* மறுபடியும் சீயோனுக்குக் கூட்டிக்கொண்டு வந்தபோது,+

ஏதோ கனவு கண்டதுபோல் இருந்தது.

 2 அப்போது, நாம் வாய்விட்டுச் சிரித்து மகிழ்ந்தோம்,

சந்தோஷமாக ஆரவாரம் செய்தோம்.+

 3 யெகோவா நமக்கு அற்புதமான காரியங்களைச் செய்திருக்கிறார்.+

நாம் சந்தோஷத்தில் துள்ளுகிறோம்.

 4 யெகோவாவே, நெகேபின்* வறண்ட நீரோடைகளில் நீங்கள் தண்ணீரை வர வைப்பது போலவே,

சிறைபிடிக்கப்பட்டுப் போனவர்களை உங்கள் தேசத்துக்கு மறுபடியும் வர வையுங்கள்.

 5 கண்ணீரோடு விதைக்கிறவர்கள்

சந்தோஷ ஆரவாரத்தோடு அறுப்பார்கள்.

 6 பையில் விதைகளை எடுத்துக்கொண்டு போகிறவன்

அழுதுகொண்டே போனாலும்,

கதிர்களை அறுத்துக்கொண்டு வரும்போது,+

ஆனந்த ஆரவாரம் செய்துகொண்டுதான் வருவான்.+