சங்கீதம்

65 கடவுளே, சீயோனில் உங்களுக்குப் புகழ்மாலை காத்திருக்கிறது.+

எங்களுடைய நேர்த்திக்கடன்களை நாங்கள் உங்களுக்குச் செலுத்துவோம்.+

 3 என்னுடைய தவறுகள் என்னைத் திணறடிக்கின்றன.+

ஆனால், நீங்கள் எங்களுடைய குற்றங்களை மன்னிக்கிறீர்கள்.+

 5 எங்களை மீட்கும் கடவுளே,

உங்களுடைய நீதியினால் பிரமிப்பான காரியங்களைச் செய்து எங்களுக்குப் பதில் தருவீர்கள்.+

பூமியெங்கும் குடியிருக்கிற மக்களுக்கும்,

தொலைதூரக் கடல் பகுதிகளில் இருக்கிற ஜனங்களுக்கும்

நீங்கள்தான் நம்பிக்கையாக இருக்கிறீர்கள்.+

 6 உங்களுடைய வல்லமையால் மலைகளை உறுதியாக நிலைநிறுத்தினீர்கள்.

பலத்தை உடைபோல் உடுத்தியிருக்கிறீர்கள்.+

 7 கடல்களின் சீற்றத்தையும், அலைகளின் இரைச்சலையும்,+

தேசங்களின் கொந்தளிப்பையும் அடக்குகிறீர்கள்.+

 8 நீங்கள் செய்கிற அடையாளங்களைப் பார்த்து தொலைதூரத்தில் வாழ்கிறவர்கள் மலைத்துப்போவார்கள்.+

கிழக்கிலிருந்து மேற்குவரை* இருக்கிறவர்களை நீங்கள் சந்தோஷ ஆரவாரம் செய்ய வைப்பீர்கள்.

 9 நீங்கள் பூமியை அக்கறையோடு கவனித்துக்கொள்கிறீர்கள்.

அதைச் செழிப்பாக்குகிறீர்கள், அமோகமாக விளைய வைக்கிறீர்கள்.+

உங்கள் ஓடையைப் பெருக்கெடுத்து ஓட வைக்கிறீர்கள்.

மக்களுக்குத் தானியத்தைத் தருகிறீர்கள்.+

10 வயல்களின் சால்களில்* தண்ணீரை நிரப்பி, அவற்றின் வரப்புகளை* சமப்படுத்துகிறீர்கள்.

மழையைப் பொழிந்து மண்ணை மிருதுவாக்கி, அதன் விளைச்சலை ஆசீர்வதிக்கிறீர்கள்.+

11 நீங்கள் பொழியும் நன்மைகள் வருஷத்துக்குக் கிரீடம் சூட்டுவதுபோல் இருக்கிறது.

உங்கள் பாதைகள் நிரம்பி வழிகின்றன.+

12 வனாந்தரத்தின் மேய்ச்சல் நிலங்களும் நிரம்பி வழிந்தபடி இருக்கின்றன.+

மலைகள் சந்தோஷத்தை உடைபோல் உடுத்தியிருக்கின்றன.+

13 மேய்ச்சல் நிலங்களில் மந்தைகள் நிறைந்திருக்கின்றன.

பள்ளத்தாக்குகளைத் தானியங்கள் கம்பளம்போல் போர்த்தியிருக்கின்றன.+