உணவு நிர்வாகியாகப் பொறுப்பேற்றவுடன் யோசேப்பு எகிப்து தேசம் முழுவதும் ஒரு சுற்றுப்பயணத்தை மேற்கொண்டான். மிகுதியின் வருடங்கள் ஆரம்பிப்பதற்குள் அவன் சகல காரியங்களையும் நன்கு ஒழுங்குபடுத்திக்கொண்டான். இப்பொழுதோ நிலம் முழு விளைச்சலை தந்துகொண்டிருந்தது, நகரை சுற்றியிருந்த நிலத்தின் விளைச்சலை சேகரித்து வந்தான். அவன், “அளவிறந்ததாய்க் கடற்கரை மணலைப்போல மிகுதியாகத் தானியத்தைச் சேர்த்து வைத்தான்; அது அளவுக்கு அடங்காததாயிருந்தது.”—ஆதியாகமம் 41:46-49.

⁴ யெகோவாவின் ஒப்புக்கொடுத்த சாட்சிகளும், உலகிலுள்ள அக்கறையுள்ள ஆட்களும் ஜீவனைக் காக்கும் ஆவிக்குரிய உணவைப் பெற்றுக்கொள்வதற்காக இன்று இந்த “விவேகமுள்ள அடிமை” வகுப்பின் உண்மையுள்ள மீதியானோர் வேதப்பூர்வமாக விரிவாக செயல்படுகின்றனர். அவர்களிடம் ஒப்படைக்கப்பட்டிருக்கும் இந்தப் பொறுப்பைக் கடமையுணர்வோடு, யெகோவாவுக்குச் செய்யும் பரிசுத்த சேவையாக நிறைவேற்றப்படுகிறது. மேலும் இந்த “அடிமை” சபைகளை ஒழுங்குபடுத்தி இவற்றிற்கு நியமிக்கப்பட்ட பிராந்தியங்களில் ராஜ்ய “விதை”யை விதைப்பதற்கு வேண்டிய அளவில் பைபிள் பிரசுரங்களை ஏராளமாக அளித்திருக்கிறது. இது யோசேப்பு தன்னுடைய நாட்களில் மக்களை பட்டணங்களில் கூட்டிச்சேர்த்து, அவர்களுடைய ஜீவனைக் காப்பதற்கு மட்டும் தானியம் கொடுக்காமல், பின்னால் அறுவடை செய்யும் நோக்கத்துடன் விதைக்க விதை தானியங்களையும் கொடுத்ததற்கு இசைவாக இருக்கிறது.—ஆதியாகமம் 47:21-25; மாற்கு 4:14, 20; மத்தேயு 28:19, 20.

⁵ வெளியரங்கமாகச் செய்யப்பட்டுவரும் பிரசங்கவேலைக்குத் தடை இருக்கும் சமயத்திலும் யெகோவாவின் சாட்சிகள் துன்புறுத்தப்படும் சமயத்திலும் இந்த ஆவிக்குரிய உணவை அளிப்பதை இந்த ‘உண்மையுள்ள அடிமை’ தனக்கு ஒப்படைக்கப்பட்டிருக்கும் பரிசுத்தமான உத்தரவாதமாக நோக்குகிறது. (அப்போஸ்தலர் 5:29, 41, 42; 14:19-22) புயல்கள், வெள்ளங்கள் மற்றும் பூமியதிர்ச்சிகள் பெருஞ்சேதத்தை ஏற்படுத்துகையிலும் கடவுளுடைய வீட்டாரின் சரீரப்பிரகாரமான மற்றும் ஆவிக்குரிய தேவைகள் நிறைவேற்றப்படும் காரியத்தை இந்த “அடிமை” பார்த்துக்கொள்கிறது. கான்சன்ட்ரேஷன் முகாம்களிலுள்ளவர்களுக்குங்கூட அச்சடிக்கப்பட்ட வார்த்தை தொடர்ந்து போய்கொண்டிருக்கிறது. இந்த ஆவிக்குரிய உணவு தேவைப்படுவோருக்கு இது தொடர்ந்து செல்லுவதை தேசிய எல்லைகள் கட்டுப்படுத்துவதற்கு அனுமதிக்கப்படுவதில்லை. இந்த உணவு தொடர்ந்து செல்லுவதைக் காத்துக்கொள்வது தைரியத்தையும், யெகோவாவில் விசுவாசத்தையும் அநேக சமயங்களில் புதிய முறைகளை பயன்படுத்தும் புத்திக்கூர்மையும் ஓரளவுக்குத் தேவைப்படுகிறது. 1986-ம் ஆண்டு மட்டும் இந்த “அடிமை” 4,39,58,303 பைபிள்களும் புத்தகங்களும் அவற்றுடன் 55,02,16,455 பத்திரிகைகளையும் அச்சடித்திருக்கிறது—உண்மையிலேயே “அளவிறந்ததாய்க் கடற்கரை மணலைப்போல் மிகுதியானவை.”