16, 17. யெகோவா எவ்விதமாக 1914-ல் ஸ்திரீபோன்ற தம்முடைய அமைப்பின்மீது தம்முடைய மகிமையை பிரகாசிக்கச் செய்தார், அவளுக்கு அவர் என்ன கட்டளையைக் கொடுத்தார்?

¹⁶ ஆன்மாவுக்கு கிளர்ச்சியூட்டும் மொழியில், எவ்விதமாக தெய்வீக ஒளி எல்லா இடங்களிலுமுள்ள ஆட்களுக்கு பரவச்செய்யப்படுகிறது என்பதை வேதவாக்கியங்கள் விவரிக்கின்றன. யெகோவாவின் “ஸ்திரீ” அல்லது உண்மைப்பிரமாணிக்கமுள்ள ஊழியர்களடங்கிய அவருடைய பரலோக அமைப்பிடமாக சொல்லப்பட்ட ஏசாயா 60:1-3 இவ்விதமாகச் சொல்கிறது: “எழும்பிப் பிரகாசி; உன் ஒளிவந்தது, கர்த்தருடைய [யெகோவாவுடைய, NW] மகிமை உன் மேல் உதித்தது. இதோ, இருள் பூமியையும், காரிருள் ஜனங்களையும் மூடும்; ஆனாலும் உன்மேல் கர்த்தர் உதிப்பார்; அவருடைய மகிமை உன்மேல் காணப்படும். உன் வெளிச்சத்தினிடத்துக்கு ஜாதிகளும், உதிக்கிற உன் ஒளியினிடத்துக்கு ராஜாக்களும் நடந்துவருவார்கள்.”

18. (எ) ஏசாயா 60:2-ல் முன்னறிவிக்கப்பட்டபடி ஏன் இருள் பூமியை மூடிக்கொண்டிருக்கிறது? (பி) தனியாட்கள் எவ்விதமாக பூமியின் இருளிலிருந்து விடுவிக்கப்படலாம்?

¹⁸ அதற்கு நேர் எதிர்மாறாக, இருள் பூமியையும், காரிருள் ஜனங்களையும் மூடிக்கொண்டிருக்கிறது. ஏன்? ஏனென்றால் தேசங்கள் மனித ஆட்சிக்கு ஆதரவாக இருந்து கடவுளுடைய அன்பின் குமாரனுடைய அரசாங்கத்தை நிராகரித்துவிடுகிறார்கள். ஒரு வகையான மனித அரசாங்கத்தை ஒழித்து மற்றொன்றை தேர்ந்தெடுப்பதன்மூலம், அவர்கள் தங்கள் பிரச்னைகளைத் தீர்த்துக்கொள்ளலாம் என்பதாக நினைக்கிறார்கள். ஆனால் அவர்கள் எதிர்பார்க்கும் துயர்துடைப்பை இது கொண்டுவருவதில்லை. காட்சிக்குப் பின்னால் ஆவி மண்டலத்திலிருந்து தேசங்களை இயக்கிக்கொண்டிருப்பது யார் என்பதை அவர்கள் காணத் தவறுகின்றனர். (2 கொரிந்தியர் 4:4) மெய்யான ஒளியின் ஊற்றுமூலரை அவர்கள் நிராகரித்துவிடுகிறார்கள், ஆகவே அவர்கள் இருளில் இருக்கிறார்கள். (எபேசியர் 6:12) இருப்பினும், தேசங்கள் என்ன செய்தாலும், தனியாட்கள் அந்த இருளிலிருந்து விடுவிக்கப்பட முடியும். எந்த வகையில்? கடவுளுடைய ராஜ்யத்தில் முழுவிசுவாசம் வைத்து அதற்கு கீழ்ப்பட்டிருப்பதன்மூலமாக.

19, 20. (எ) இயேசுவைப் பின்பற்றும் அபிஷேகம்பண்ணப்பட்டவர்கள்மீது ஏன் மற்றும் எவ்விதமாக யெகோவாவின் மகிமை பிரகாசித்திருக்கிறது? (பி) என்ன காரணத்துக்காக யெகோவா தம்முடைய அபிஷேகம்பண்ணப்பட்டவர்களை ஒளி கொண்டுசெல்வோராக ஆக்கியிருக்கிறார்? (சி) முன்னறிவிக்கப்பட்டபடி, எவ்விதமாக “ராஜாக்கள்” மற்றும் “தேசங்கள்” கடவுள்-கொடுத்த ஒளியினிடத்துக்கு வந்திருக்கிறார்கள்?

¹⁹ கிறிஸ்தவமண்டலம் கடவுளுடைய ராஜ்யத்தில் விசுவாசம் வைத்து அதற்கு கீழ்ப்பட்டிருக்கவில்லை. ஆனால் இயேசு கிறிஸ்துவை பின்பற்றும் ஆவியால் அபிஷேகம்பண்ணப்பட்டோர் அதைச் செய்திருக்கிறார்கள். இதன் விளைவாக, யெகோவாவின் தெய்வீக அங்கீகார வெளிச்சம் அவருடைய பரலோக ஸ்திரீயின் காணக்கூடிய இந்தப் பிரதிநிதிகள்மீது பிரகாசித்திருக்கிறது, அவருடைய மகிமை அவர்கள்மேல் காணப்பட்டிருக்கிறது. (ஏசாயா 60:19-21) உலக அரசியல் அல்லது பொருளாதார காட்சியில் ஏற்படும் எந்த ஒரு மாற்றமும் பறித்துக்கொண்டுவிடமுடியாத ஆவிக்குரிய ஒளியை அவர்கள் அனுபவித்துக் களிக்கிறார்கள். அவர்கள் மகா பாபிலோனிலிருந்து யெகோவாவினால் விடுவிக்கப்படுவதை அனுபவித்திருக்கிறார்கள். (வெளிப்படுத்துதல் 18:4) அவர்கள் அவருடைய சிட்சையை ஏற்றுக்கொண்டு உண்மைப்பிரமாணிக்கத்துடன் அவருடைய அரசுரிமையை ஆதரித்திருக்கும் காரணத்தால் அவர்கள் அவருடைய அங்கீகாரப் புன்முறுவலை அனுபவிக்கிறார்கள். எதிர்காலத்துக்கு பிரகாசமான எதிர்பார்ப்புகள் அவர்களுக்கிருக்கிறது, அவர்களுக்கு முன் அவர் வைத்திருக்கிற நம்பிக்கையில் அவர்கள் களிகூருகிறார்கள்.