17. (அ) எரேமியாவின்படி, பொல்லாத எருசலேமின்மீது என்ன நியாயத்தீர்ப்பு வரவிருந்தது? (ஆ) விரைவில் கிறிஸ்தவமண்டலத்திற்கு என்ன நேரிடும்?

¹⁷ பெரிய நியாயாதிபதியாகிய யெகோவாவிடமிருந்து கிறிஸ்தவமண்டல பொய்ப் போதகர்கள் என்ன நியாயத்தீர்ப்பைப் பெறுவார்கள்? வசனங்கள் 19, 20, 39, மேலும் 40 பதிலளிக்கின்றன: “இதோ, கர்த்தருடைய பெருங்காற்றாகிய கொடிய புசல் புறப்பட்டது: அது துன்மார்க்கருடைய தலையின்மேல் உக்கிரமாய் மோதும். கர்த்தர் தம்முடைய இருதயத்தின் நினைவுகளை நடப்பித்து நிறைவேற்றுமளவும், அவருடைய கோபம் தணியாது. . . . நான் உங்களை மறக்கவே மறந்து, உங்களையும், நான் உங்களுக்கும் உங்கள் பிதாக்களுக்கும் கொடுத்த நகரத்தையும், எனக்கு முன்பாக இராதபடிக்குக் கைவிட்டு, மறக்கப்படாத நித்திய நிந்தையையும், நித்திய இலச்சையையும் உங்கள்மேல் வரப்பண்ணுவேன்.” அவை யாவுமே பொல்லாத எருசலேமுக்கும் அதன் ஆலயத்துக்கும் நடைபெற்றது; மேலும் இப்போது பொல்லாத கிறிஸ்தவமண்டலத்துக்கு இதுபோன்ற ஒரு பேராபத்து விரைவில் நேரிடும்!

21. (அ) பொ.ச.மு. 607-ல் ஏன் எருசலேம் அழிக்கப்பட்டது? (ஆ) எருசலேமின் அழிவிற்குப் பின், பொய்த் தீர்க்கதரிசிகளுக்கும் யெகோவாவின் உண்மை தீர்க்கதரிசிக்கும் என்ன நடந்தது, இது இன்று நமக்கு என்ன உறுதியளிப்பைக் கொடுக்கிறது?

²¹ பொ.ச.மு. 607-ல் பாபிலோனியர்கள் எருசலேமை அழித்தபோது எரேமியாவின் நாளில் யெகோவாவின் நியாயத்தீர்ப்பு நிறைவேற்றப்பட்டது. முன்னுரைக்கப்பட்டபடி, அந்த முரட்டாட்டமான, உண்மையற்ற இஸ்ரவேலர்களுக்கு அது ஒரு ‘நிந்தையும், இலச்சையுமாக’ இருந்தது. (எரேமியா 23:39, 40) அவர்கள் திரும்பத் திரும்ப அவமதித்திருந்த யெகோவா, அவர்கள் செய்த தீமைகளின் விளைவுகளுக்கு கடைசியில் அவர்களை விட்டுவிட்டார் என்பதை அது அவர்களுக்குக் காட்டியது. அவர்களுடைய அகந்தையானப் பொய்த் தீர்க்கதரிசிகளின் வாய்கள் கடைசியில் அடைக்கப்பட்டன. எரேமியாவின் வாயோ தொடர்ந்து தீர்க்கதரிசனமுரைத்தது. யெகோவா அவரைக் கைவிடவில்லை. இந்த மாதிரிக்கு உண்மையாக, யெகோவா கிறிஸ்தவமண்டல மதகுருமார்களின் மற்றும் அவர்களுடைய பொய்களை நம்புபவர்களின் ஜீவனை அழித்துப்போடுவதற்கு தம்முடைய பாரமானத் தீர்வு வழிநடத்துகையில், எரேமியா வகுப்பாரை அவர் கைவிடமாட்டார்.