கேள்வி 6
மேசியாவைப் பற்றி பைபிள் என்ன முன்னறிவித்தது?
தீர்க்கதரிசனம்
“எப்பிராத்தா என்று அழைக்கப்படும் பெத்லகேமே, . . . இஸ்ரவேலை ஆளப்போகிற ராஜா உன்னிடமிருந்து வருவார்.”
நிறைவேற்றம்
‘ஏரோது ராஜாவின் காலத்தில், யூதேயாவிலுள்ள பெத்லகேமில் இயேசு பிறந்தார்; அதன் பின்பு, கிழக்கிலிருந்து ஜோதிடர்கள் எருசலேமுக்கு வந்தார்கள்.’
தீர்க்கதரிசனம்
“என்னுடைய அங்கிகளைப் பங்கு போட்டுக்கொள்கிறார்கள், என்னுடைய உடைக்காகக் குலுக்கல் போடுகிறார்கள்.”
நிறைவேற்றம்
‘படைவீரர்கள் இயேசுவை மரக் கம்பத்தில் வைத்து ஆணியடித்த பின்பு, அவருடைய மேலங்கிகளை நான்கு பாகங்களாக்கினார்கள்; உள்ளங்கி தையல் இல்லாமல் மேலிருந்து கீழ்வரை ஒரே துணியாக நெய்யப்பட்டிருந்தது. அதனால், “இதைக் கிழிக்க வேண்டாம்; இது யாருக்கு என்று குலுக்கல் போட்டுப் பார்க்கலாம்” என ஒருவருக்கொருவர் சொல்லிக்கொண்டார்கள்.’
தீர்க்கதரிசனம்
“அவருடைய எல்லா எலும்புகளையும் அவர் பாதுகாக்கிறார். அவற்றில் ஒன்றுகூட முறிக்கப்படுவதில்லை.”
நிறைவேற்றம்
“இயேசுவிடம் வந்தபோது, அவர் ஏற்கெனவே இறந்திருந்ததைப் பார்த்து அவருடைய கால்களை உடைக்காமல் விட்டுவிட்டார்கள்.”
தீர்க்கதரிசனம்
“நம்முடைய குற்றத்துக்காகத்தான் அவர் குத்தப்பட்டார்.”
நிறைவேற்றம்
“படைவீரர்களில் ஒருவன் அவருடைய விலாவை ஈட்டியால் குத்தினான்; உடனே இரத்தமும் தண்ணீரும் வெளியே வந்தன.”
தீர்க்கதரிசனம்
“அவர்கள் எனக்கு 30 வெள்ளிக் காசுகளைக் கூலியாகக் கொடுத்தார்கள்.”
நிறைவேற்றம்
“பின்பு, பன்னிரண்டு பேரில் ஒருவனான யூதாஸ் இஸ்காரியோத்து முதன்மை குருமார்களிடம் போய், ‘அவரைக் காட்டிக்கொடுத்தால் எனக்கு என்ன தருவீர்கள்?’ என்று கேட்டான். அவர்கள் 30 வெள்ளிக் காசுகள் கொடுப்பதாக அவனோடு ஒப்பந்தம் செய்தார்கள்.”