கடைசியாக, இயேசு மனங்கவரும் இந்த அழைப்பைக் கொடுக்கிறார்: “வருத்தப்பட்டுப் பாரஞ்சுமக்கிறவர்களே! நீங்கள் எல்லாரும் என்னிடத்தில் வாருங்கள்; நான் உங்களுக்கு இளைப்பாறுதல் தருவேன். நான் சாந்தமும் மனத்தாழ்மையுமாய் இருக்கிறேன்; என் நுகத்தை உங்கள்மேல் ஏற்றுக்கொண்டு, என்னிடத்தில் கற்றுக்கொள்ளுங்கள்; அப்பொழுது, உங்கள் ஆத்துமாக்களுக்கு இளைப்பாறுதல் கிடைக்கும். என் நுகம் மெதுவாயும், என் சுமை இலகுவாயும் இருக்கிறது.”

இயேசு அளிக்கும் இந்தத் தயவான நுகம் கடவுளுக்கு முழுமையாய் ஒப்புக்கொடுத்து, கனிவும் இரக்கமுமுள்ள நம்முடைய பரலோகத் தகப்பனைச் சேவிக்கக்கூடியதாயிருக்கும் ஒன்றாகும். மேலும் தம்மிடம் வருவோருக்கு இயேசு அளிக்கும் அந்த இலகுவான சுமையானது ஜீவனடைவதற்குத் தேவையான கடவுளுடைய கட்டளைகளுக்குக் கீழ்ப்படிவதாகும், அவருடைய கட்டளைகள் சற்றேனும் பாரமானவையல்ல. மத்தேயு 11:16-30; லூக்கா 1:15; 7:31-35; 1 யோவான் 5:3.