¹¹ “முதலாவது தேவனுடைய ராஜ்யத்தையும் அவருடைய நீதியையும் தேடுங்கள், அப்பொழுது இவைகளெல்லாம் உங்களுக்குக்கூடக் கொடுக்கப்படும்.” (மத்தேயு 6:33) இந்த வார்த்தைகளைச் சிலர் கேட்கத் தவறும்போது எவ்வளவு வருத்தமாயிருக்கிறது! பொருளாதார பாதுகாப்பு என்ற கற்பனைக்கதையை விழுங்கிவிட்டு, “தங்கள் செல்வத்தை நம்பி,” ஐசுவரியத்தையும், உலகப்பிரகாரமான கல்வியையும், உலகப்பிரகாரமான வாழ்க்கைப் பணிகளையும் அவர்கள் முழுமூச்சாக நாடித்தேடுகின்றனர். (சங்கீதம் 49:6) சாலொமோன் பின்வருமாறு எச்சரிக்கிறான்: “ஐசுவரியவானாகவேண்டுமென்று பிரயாசப்படாதே. . . . இல்லாமற்போகும் பொருள்மேல் உன் கண்களைப் பறக்கவிடுவானேன்; அது கழுகைப்போலச் சிறகுகளைத் தனக்கு உண்டுபண்ணிக்கொண்டு, ஆகாயமார்க்கமாய்ப் பறந்துபோம்.”—நீதிமொழிகள் 23:4, 5.

¹³ யெகோவா தங்களைப் பராமரிப்பார் என்பதில் நம்பிக்கையுடையவர்கள் அதிக வேதனையையும் கவலையையும் தவிர்க்கின்றனர். “உண்ணவும் உடுக்கவும்” இருப்பதில் திருப்தியாக இருப்பது அதிக அடக்கமான வாழ்க்கைத் தரத்தைக் குறிக்கக்கூடும். (1 தீமோத்தேயு 6:8) ஆனால் “கோபாக்கினை நாளில் ஐசுவரியம் உதவாது.” (நீதிமொழிகள் 11:4) மேலும், யெகோவாவுக்கு நம்முடைய சேவையை அதிகரிக்கும்போது, பின்வரும் காரியத்துக்குப் பாத்திரமான நிலையில் நம்மை வைத்துக்கொள்கிறோம்: “யெகோவாவின் ஆசீர்வாதமே ஐசுவரியம்; அதனோடே அவர் வேதனையைக் கூட்டார்.”—நீதிமொழிகள் 10:22.