• இறந்தவர்களின் நிலைமை என்ன?
    இன்றும் என்றும் சந்தோஷம்!—கடவுள் சொல்லும் வழி

    • 3. இறந்தவர்களின் உண்மையான நிலைமையைத் தெரிந்துகொள்ளுங்கள்

      இறந்தவர்களின் நிலைமையைப் பற்றி நிறைய கருத்துகள் இருக்கின்றன. ஆனால், எல்லாமே உண்மையாக இருக்க முடியாது.

      • இறந்தவர்களைப் பற்றி உங்கள் பகுதியில் என்ன நம்புகிறார்கள்?

      பைபிள் என்ன சொல்கிறதென்று தெரிந்துகொள்ள, வீடியோவைப் பாருங்கள்.

      வீடியோ: இறந்தவர்கள் என்ன நிலைமையில் இருக்கிறார்கள்?—சில காட்சிகள் (1:19)

      ‘இறந்தவர்கள் என்ன நிலைமையில் இருக்கிறார்கள்?—சில காட்சிகள்’ என்ற வீடியோவின் ஒரு காட்சி. படங்களின் தொகுப்பு: 1. ஆஸ்பத்திரி படுக்கையில் ஒரு பிணம் கிடத்தப்பட்டிருக்கிறது. 2. ரயிலில் இரண்டு பேருக்கு நடுவில் உட்கார்ந்திருக்கும் ஒருவர் தூங்குகிறார்.

      பிரசங்கி 3:20-ஐப் படித்துவிட்டு, இந்தக் கேள்விகளைப் பற்றிக் கலந்துபேசுங்கள்:

      • ஒருவர் இறக்கும்போது என்ன நடப்பதாக இந்த வசனம் சொல்கிறது?

      • ஒருவர் இறந்த பிறகு அவருடைய ஆவியோ ஆத்துமாவோ தொடர்ந்து உயிர்வாழ்கிறதா?

      இயேசுவின் நெருங்கிய நண்பரான லாசரு இறந்தபோது அவருடைய நிலைமையைப் பற்றி இயேசு சொன்னதை யோவான் 11:11-14-ல் படித்துவிட்டு, இந்தக் கேள்விகளைப் பற்றிக் கலந்துபேசுங்கள்:

      • மரணத்தை இயேசு எதனோடு ஒப்பிட்டுப் பேசினார்?

      • அப்படியென்றால், இறந்தவர்களின் நிலைமை என்ன?

      • மரணத்தைப் பற்றி பைபிள் சொல்வது உங்களுக்கு நியாயமாகப் படுகிறதா?