படைத்தவர் ஒருவர் இருக்கிறார் என்று தெரிந்துகொள்வது முக்கியமா?

பைபிள் இப்படிச் சொல்கிறது: “[கடவுள்] வானத்திலிருந்து மழையையும், பருவ காலங்களில் அமோக விளைச்சலையும், ஏராளமான உணவையும் உங்களுக்குத் தந்து, உங்கள் உள்ளத்தைச் சந்தோஷத்தால் நிரப்பி நன்மை செய்திருக்கிறார்.”—அப்போஸ்தலர் 14:17.

குறிப்பு: இயற்கை வளங்கள் எல்லாமே படைத்தவர் கொடுத்திருக்கும் பரிசு! உங்கள்மேல் அக்கறை இருப்பதால்தான் இவற்றைக் கொடுத்திருக்கிறார்! இதைப் புரிந்துகொள்ளும்போது அந்தப் பரிசுகளை நீங்கள் பார்க்கும் விதமே மாறிவிடும்; அவற்றை நினைத்து சந்தோஷப்படுவீர்கள்.

பைபிள் இப்படிச் சொல்கிறது: “நீதி, நியாயம், நேர்மை என்னவென்று புரிந்துகொள்வாய், நல்ல வழிகள் எல்லாவற்றையும் தெரிந்துகொள்வாய்.”—நீதிமொழிகள் 2:9.

குறிப்பு: சந்தோஷமாக இருக்க நீங்கள் என்ன செய்ய வேண்டும் என்று உங்களைப் படைத்தவருக்குத் தெரியும். அவர் கொடுத்திருக்கிற பைபிளைப் படிக்கும்போது வாழ்க்கைக்குத் தேவையான ஆலோசனைகளைத் தெரிந்துகொள்வீர்கள்.

பைபிள் இப்படிச் சொல்கிறது: “கடவுளைப் பற்றிய அறிவைக் கண்டடைவாய்.”—நீதிமொழிகள் 2:5.

குறிப்பு: படைத்தவர் இருக்கிறார் என்று தெரிந்துகொள்வதால் சில முக்கியமான கேள்விகளுக்குப் பதில் கிடைக்கும். ‘ஏன் வாழ்கிறோம்? ஏன் கஷ்டப்படுகிறோம்? இறந்தபிறகு என்ன ஆகிறது?’ இதுபோன்ற கேள்விகளுக்கான பதில்களை அவர் கொடுத்திருக்கும் பைபிளில் கண்டுபிடிக்க முடியும்.

பைபிள் இப்படிச் சொல்கிறது: “யெகோவாa சொல்வது இதுதான்: ‘நீங்கள் அழிந்துபோக வேண்டும் என்றல்ல, நிம்மதியாக வாழ வேண்டும் என்றுதான் நான் நினைக்கிறேன். உங்களுக்கு நல்ல எதிர்காலத்தையும் நம்பிக்கையையும் கொடுக்கவே ஆசைப்படுகிறேன்.”—எரேமியா 29:11.

குறிப்பு: இன்று இருக்கிற கஷ்டங்களைத் தீர்க்கப்போவதாகவும் மரணத்தை ஒழிக்கப்போவதாகவும் கடவுள் சொல்லியிருக்கிறார். இதை நம்பும்போது எதிர்காலத்தை நம்பிக்கையோடு பார்க்க முடியும். இன்று இருக்கும் பிரச்சினைகளையும் தைரியமாக சந்திக்க முடியும்.