ஏன் இவ்வளவு பிரச்சினை?

ஏதாவது அசம்பாவிதம் நடக்கும்போது, “ஏன்தான் இதெல்லாம் நடக்குதோ?” என்று கேட்கிறோம். இதற்கு பைபிள் தெளிவான விளக்கம் தருகிறது!

1. உலகத்தில் எப்படிக் கெட்ட விஷயங்கள் நடக்க ஆரம்பித்தன?

பிசாசாகிய சாத்தான் கடவுளுக்கு எதிராகக் கலகம் செய்தான். மற்றவர்களை ஆட்சி செய்ய அவன் ஆசைப்பட்டதால், ஆதாமையும் ஏவாளையும் தன் பக்கம் இழுத்துக்கொண்டான். (ஆதியாகமம் 3:1-5) எப்படி? ஏவாளிடம் அவன், ‘யெகோவா உங்களுக்கு நல்லதை தராம வெச்சிருக்காரு. இது ரொம்ப அநியாயம். அவரோட பேச்சை கேட்காதீங்க. அப்போதான் இன்னும் சந்தோஷமா இருப்பீங்க’ என்று சொல்லாமல் சொன்னான். ஏவாள் சாக மாட்டாள் என்றும் சொன்னான். இப்படி, முதன்முதலில் பொய் சொன்னவன் அவன்தான் என்பதால், “அவன் பொய்யனும் பொய்க்குத் தகப்பனுமாக இருக்கிறான்.”—யோவான் 8:44.

2. ஆதாமும் ஏவாளும் என்ன செய்ய முடிவு எடுத்தார்கள்?

ஆதாம் ஏவாளுக்கு யெகோவா எல்லாவற்றையும் தாராளமாகக் கொடுத்தார். ஏதேன் தோட்டத்தில் இருந்த ஒரேவொரு மரத்தைத் தவிர மற்ற எல்லா மரங்களுடைய பழங்களையும் சாப்பிடலாம் என்று சொன்னார். (ஆதியாகமம் 2:15-17) ஆனால் ஏவாள், தடை செய்யப்பட்ட அந்த மரத்தின் “பழத்தைப் பறித்துச் சாப்பிட்டாள்.” பிறகு, ஆதாமும் அதை “சாப்பிட்டான்.” (ஆதியாகமம் 3:6) இரண்டு பேரும் கடவுளுடைய பேச்சை மீறிவிட்டார்கள். உண்மையில், அவர்கள் பரிபூரணமாக இருந்ததால் சரியானதைச் செய்யும் இயல்புதான் அவர்களுக்கு இருந்தது. அப்படியென்றால், இது வேண்டுமென்றே செய்த பாவம்! கடவுளுடைய ஆட்சியை ஒதுக்கியதால், அவர்களுடைய வாழ்க்கையே சீரழிந்தது.—ஆதியாகமம் 3:16-19.

3. ஆதாமும் ஏவாளும் எடுத்த முடிவு நம்மை எப்படிப் பாதித்திருக்கிறது?

ஆதாமும் ஏவாளும் கடவுளுடைய பேச்சை மீறியதால் அவர்களுக்குப் பாவ இயல்பு வந்தது. அது பரம்பரை நோய் போல அவர்களுடைய வம்சத்துக்கும் வந்துவிட்டது. “ஒரே மனிதனால் [அதாவது, ஆதாமினால்] பாவமும் பாவத்தினால் மரணமும் இந்த உலகத்தில் வந்தது. இப்படி, எல்லா மனிதர்களும் பாவம் செய்ததால் மரணம் எல்லா மனிதர்களுக்கும் பரவியது.”—ரோமர் 5:12.

நிறைய காரணங்களால் நமக்குக் கஷ்டங்கள் வருகின்றன. ஒருவேளை, நம்முடைய தவறான முடிவுகளால் அல்லது மற்றவர்களுடைய தவறான முடிவுகளால் நமக்குக் கஷ்டங்கள் வரலாம். எதிர்பாராத சம்பவங்களாலும் நமக்குக் கஷ்டங்கள் வரலாம்.—பிரசங்கி 9:11-ஐ வாசியுங்கள்.

ஆராய்ந்து பார்க்கலாம்!

4. நம் கஷ்டங்களுக்குக் காரணம் ஒருவன்

இந்த உலகம் கடவுளுடைய கட்டுப்பாட்டில்தான் இருக்கிறது என்று நிறைய பேர் நினைக்கிறார்கள். ஆனால், அது உண்மையா? வீடியோவைப் பாருங்கள்.

வீடியோ: இந்த உலகம் யார் கையில்? (1:24)

யாக்கோபு 1:13-ஐயும் 1 யோவான் 5:19-ஐயும் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• உலகத்தில் இருக்கும் கெட்ட விஷயங்களுக்கும் கஷ்டங்களுக்கும் கடவுள்தான் காரணமா?

5. சாத்தானுடைய ஆட்சியின் விளைவுகள்

வீடியோ: கடவுள் ஏன் இன்னும் கஷ்டத்தை தீர்க்காமல் இருக்கிறார்?—சில காட்சிகள் (3:07)

ஆதியாகமம் 3:1-6-ஐப் படித்துவிட்டு, இந்தக் கேள்விகளைப் பற்றிக் கலந்துபேசுங்கள்:

• சாத்தான் என்ன பொய்யைச் சொன்னான்?—வசனங்கள் 4, 5-ஐப் பாருங்கள்.

• யெகோவா நல்லதைத் தராமல் இருக்கிறார் என சாத்தான் எப்படி மறைமுகமாகச் சொன்னான்?

• மனிதர்கள் சந்தோஷமாக வாழ்வதற்கு யெகோவாவின் ஆட்சி தேவையில்லை என சாத்தான் எப்படி மறைமுகமாகச் சொன்னான்?

பிரசங்கி 8:9-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• யெகோவாவின் ஆட்சி இல்லாததால் இந்த உலகத்தில் என்ன நடந்திருக்கிறது?

1. ஒரு பூஞ்சோலையில் ஆதாமும் ஏவாளும் எந்தக் குறையும் இல்லாமல் வாழ்ந்தார்கள். ஆனால், சாத்தானோடு சேர்ந்துகொண்டு யெகோவாவுக்கு எதிராகக் கலகம் பண்ணினார்கள்

2. அவர்கள் கலகம் பண்ணிய பிறகுதான் இந்த உலகத்தில் பாவமும் துன்பமும் சாவும் வந்தன

3. பாவத்துக்கும் துன்பத்துக்கும் சாவுக்கும் யெகோவா முடிவுகட்டுவார். மறுபடியும் மனிதர்கள் எந்தக் குறையும் இல்லாமல் பூஞ்சோலையில் வாழ்வார்கள்

6. யெகோவா நம் கஷ்டத்தைப் பார்க்கிறார்

நாம் என்ன கஷ்டப்பட்டாலும் கடவுளுக்குக் கவலையே இல்லையா? தாவீதும் பேதுருவும் என்ன எழுதியிருக்கிறார்கள் என்று பாருங்கள். சங்கீதம் 31:7-ஐயும் 1 பேதுரு 5:7-ஐயும் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• யெகோவா நம் கஷ்டத்தைப் பார்த்து வேதனைப்படுகிறார் என்பதைத் தெரிந்துகொள்ளும்போது உங்களுக்கு எப்படி இருக்கிறது?

சுருக்கம்

பிசாசாகிய சாத்தானும் முதல் மனித ஜோடியும்தான் இந்த உலகத்தில் இருக்கும் எல்லா கெட்ட விஷயங்களுக்கும் முக்கியக் காரணம். நாம் கஷ்டப்படுவதைப் பார்த்து யெகோவா வேதனைப்படுகிறார். சீக்கிரத்தில் நமக்கு ஒரு விடுதலை தருவார்.

ஞாபகம் வருகிறதா?

• பிசாசாகிய சாத்தான் ஏவாளிடம் என்ன பொய்யைச் சொன்னான்?

• ஆதாமும் ஏவாளும் கடவுளுக்குக் கீழ்ப்படியாமல் போனதால் நாம் எல்லாரும் எப்படிப் பாதிக்கப்பட்டிருக்கிறோம்?

• யெகோவா நம் கஷ்டத்தைப் பார்க்கிறார், அதைத் தீர்க்கப்போகிறார் என்று நமக்கு எப்படித் தெரியும்?

அலசிப் பாருங்கள்

பாவத்தைப் பற்றி பைபிள் என்ன சொல்கிறதென்று தெரிந்துகொள்ளுங்கள்.

“பாவம் என்றால் என்ன?” (ஆன்லைன் கட்டுரை)

ஏதேன் தோட்டத்தில் பிசாசாகிய சாத்தான் எழுப்பிய விவாதத்தைப் பற்றி அதிகமாகத் தெரிந்துகொள்ளுங்கள்.

“கடவுள் ஏன் கஷ்டங்கள அனுமதிக்கிறாரு?” (ஆன்லைன் கட்டுரை)

நிறைய பேருடைய மனதைக் குடையும் ஒரு கேள்விக்கு ஆறுதலான பதிலைப் பாருங்கள்.

“யூத இனப்படுகொலைக்குக் காரணம் என்ன? கடவுள் ஏன் அதைத் தடுக்கவில்லை?” (ஆன்லைன் கட்டுரை)

சுற்றிலும் நடக்கிற பிரச்சினைகளைப் பற்றி ஒருவர் என்ன தெரிந்துகொண்டார் என்று பாருங்கள்.

இப்போ நான் தனியா இல்ல (5:09)

ஆதாமும் ஏவாளும் கடவுளுக்குக் கீழ்ப்படியாமல் போனதால்தான் நமக்குப் பாவமும் துன்பமும் மரணமும் வந்தது.a ஆனால், இந்த நிலைமை மாறப்போகிறது. இயேசு பூமிக்கு வந்து நமக்காக மீட்புவிலையைக் கொடுக்க யெகோவா ஏற்பாடு செய்தார். ஒருவரை விடுவிக்கவோ மீட்கவோ கொடுக்கப்படும் தொகைதான் மீட்புவிலை. நம்மைப் பாவத்திலிருந்தும் மரணத்திலிருந்தும் மீட்க இயேசு தன் பரிபூரணமான மனித உயிரையே மீட்புவிலையாகத் தந்தார். (மத்தேயு 20:28-ஐ வாசியுங்கள்.) பூமியில் என்றென்றும் வாழும் உரிமை இயேசுவுக்கு இருந்தது. ஆனாலும், தன் உயிரைத் தியாகம் செய்வதன் மூலம், ஆதாமும் ஏவாளும் இழந்துபோன எல்லாமே நமக்குக் கிடைப்பதற்கு வழிசெய்தார். அதோடு, அவரும் யெகோவாவும் நம்மேல் எவ்வளவு அன்பு வைத்திருக்கிறார்கள் என்பதைக் காட்டினார். இயேசுவின் உயிர்த்தியாகத்துக்கு நன்றி காட்ட இந்தப் பாடம் உங்களுக்கு உதவும்.

1. இயேசுவின் உயிர்த்தியாகத்தால் இன்று நமக்கு என்ன நன்மை?

நாம் பாவ இயல்போடு பிறந்திருப்பதால், யெகோவாவுக்குப் பிடிக்காத நிறைய விஷயங்களைச் செய்கிறோம். அந்தத் தவறுகளை நினைத்து நாம் மனதார வருத்தப்பட்டு, இயேசு மூலம் யெகோவாவிடம் மன்னிப்புக் கேட்க வேண்டும். அந்தத் தவறுகளை மறுபடியும் செய்யாமல் இருக்கவும் கடினமாக முயற்சி செய்ய வேண்டும். அப்போது, யெகோவாவின் நெருங்கிய நண்பராக முடியும். (1 யோவான் 2:1) பைபிள் இப்படிச் சொல்கிறது: “கிறிஸ்துவும், பாவங்களுக்காக எல்லா காலத்துக்கும் ஒரே தடவையாக இறந்தார்; அநீதிமான்களுக்காக ஒரு நீதிமான் மரணமடைந்தார்; உங்களைக் கடவுளிடம் வழிநடத்துவதற்காக இறந்தார்.”—1 பேதுரு 3:18.

2. இயேசுவின் உயிர்த்தியாகத்தால் எதிர்காலத்தில் நமக்கு என்ன நன்மை?

பரிபூரணமான மனித உயிரைக் கொடுத்து எல்லாரையும் மீட்பதற்காக இயேசுவை இந்தப் பூமிக்கு யெகோவா அனுப்பிவைத்தார். “[இயேசுமேல்] விசுவாசம் வைக்கிற யாரும் அழிந்துபோகாமல் முடிவில்லாத வாழ்வைப் பெற வேண்டும்” என்று அவர் நினைத்தார். (யோவான் 3:16) இயேசு செய்த உயிர்த்தியாகத்தின் அடிப்படையில் ஆதாமுடைய பாவத்தின் பாதிப்புகள் எல்லாவற்றையும் யெகோவா சீக்கிரத்தில் சரிசெய்யப்போகிறார். அப்படியென்றால், இயேசுவின் உயிர்த்தியாகத்தில் நாம் விசுவாசம் வைத்தால் பூஞ்சோலை பூமியில் என்றென்றும் சந்தோஷமாக வாழும் வாய்ப்பு நமக்குக் கிடைக்கும்!—ஏசாயா 65:21-23.

ஆராய்ந்து பார்க்கலாம்!

3. இயேசுவின் உயிர்த்தியாகம் பாவத்தையும் மரணத்தையும் ஒழிக்கும்

வீடியோ: இயேசு ஏன் இறந்தார்?—பகுதி 1 (2:01)

• கடவுளுக்குக் கீழ்ப்படியாமல் போனதால் ஆதாம் என்ன வாய்ப்பை இழந்துவிட்டான்?

ரோமர் 5:12-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• ஆதாம் செய்த பாவம் உங்கள் வாழ்க்கையை எப்படிப் பாதித்திருக்கிறது?

யோவான் 3:16-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• கடவுள் ஏன் தன் மகனைப் பூமிக்கு அனுப்பினார்?

1. ஆதாம் எந்தக் குறையும் இல்லாத பரிபூரண மனிதனாக இருந்தான். ஆனால், கடவுளுக்குக் கீழ்ப்படியாமல் போய்விட்டான். அவனால் எல்லாருக்கும் பாவமும் மரணமும் வந்தது

2. இயேசு எந்தக் குறையும் இல்லாத பரிபூரண மனிதராக இருந்தார். அவர் கடவுளுக்குக் கீழ்ப்படிந்தார். எந்தக் குறையும் இல்லாமல் என்றென்றைக்கும் வாழும் வாய்ப்பை மனிதர்களுக்குக் கொடுத்தார்

4. இயேசுவின் உயிர்த்தியாகத்தால் எல்லாருக்குமே நன்மை

வீடியோ: இயேசு ஏன் இறந்தார்?—பகுதி 2 (2:00)

• ஒரே ஒருவருடைய மரணம் எப்படி எல்லாருக்குமே நன்மை தருகிறது?

1 தீமோத்தேயு 2:5, 6-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• பரிபூரண மனிதனான ஆதாமினால் எல்லாருக்கும் பாவமும் மரணமும்தான் வந்தது. ஆனால், பரிபூரண மனிதரான இயேசுவினால் நமக்கு வாழ்வு கிடைத்திருக்கிறது. இயேசு ‘சரிசமமான மீட்புவிலையை’ கொடுத்தார் என்று எப்படிச் சொல்லலாம்?

5. மீட்புவிலை—யெகோவா உங்களுக்குத் தந்த பரிசு

யெகோவாவை நேசிக்கிறவர்கள் மீட்புவிலையைத் தங்களுக்கென்று யெகோவா தந்த பரிசாக நினைக்கிறார்கள். உதாரணத்துக்கு, கலாத்தியர் 2:20-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• மீட்புவிலையைத் தனக்கென்று கொடுக்கப்பட்ட பரிசாக பவுல் நினைத்தார் என்று எப்படிச் சொல்லலாம்?

ஆதாம் பாவம் செய்த பிறகு, அவனுக்கும் அவனுடைய சந்ததிகளுக்கும் சாவு வந்தது. ஆனால், நீங்கள் என்றென்றும் சந்தோஷமாக வாழ்வதற்காக யெகோவா தன் மகனின் உயிரையே தந்தார்.

இப்போது சில வசனங்களைப் படிக்கலாம். தன் மகன் சித்திரவதையை அனுபவித்தபோது யெகோவாவுக்கு எப்படி இருந்திருக்கும் என்று யோசித்துப் பாருங்கள். யோவான் 19:1-7, 16-18-ஐப் படித்துவிட்டு, இந்தக் கேள்வியைப் பற்றிக் கலந்துபேசுங்கள்:

• யெகோவாவும் இயேசுவும் உங்களுக்காகச் செய்திருக்கும் தியாகத்தைப் பற்றி யோசிக்கும்போது உங்களுக்கு எப்படி இருக்கிறது?

சுருக்கம்

இயேசு தன் உயிரைத் தியாகம் செய்ததால் யெகோவா நம் பாவங்களை மன்னிக்கிறார், நம்மால் என்றென்றும் சந்தோஷமாக வாழவும் முடியும்.

ஞாபகம் வருகிறதா?

• இயேசு ஏன் இறந்தார்?

• இயேசுவுடைய பரிபூரணமான மனித உயிர் எப்படி சரிசமமான மீட்புவிலையாக இருந்தது?

• இயேசு செய்த உயிர்த்தியாகத்தால் உங்களுக்கு என்ன நன்மை?

அலசிப் பாருங்கள்

இயேசுவின் பரிபூரண மனித உயிரை ஏன் மீட்புவிலை என்று சொல்கிறோம் எனத் தெரிந்துகொள்ளுங்கள்.

“இயேசுவின் பலி எப்படி ‘பலருக்கு மீட்புவிலையாக’ இருக்கிறது?” (ஆன்லைன் கட்டுரை)

மீட்பு கிடைப்பதற்கு நாம் என்ன செய்ய வேண்டுமென்று தெரிந்துகொள்ளுங்கள்.

“இயேசு இரட்சிக்கிறார்—எப்படி?” (ஆன்லைன் கட்டுரை)

ரொம்ப மோசமான பாவங்களைக்கூட யெகோவா மன்னிப்பாரா?

“பைபிள் கேள்விகளுக்கான பதில்கள்” (ஆன்லைன் கட்டுரை)

இயேசுவின் உயிர்த்தியாகத்தைப் பற்றித் தெரிந்துகொண்டது எப்படி ஒருவருடைய சுபாவத்தை மாற்றியது என்று தெரிந்துகொள்ளுங்கள்.

“வன்முறையைக் கைவிட்டேன்” (ஆன்லைன் கட்டுரை)