பாசத்தில் பின்னிப் பிணைந்துள்ள ஒரு குடும்பத்தின் பாகமாக இருப்பது எப்பேர்ப்பட்ட சந்தோஷம்! ஸ்டார்கே என்ற கிரேக்க வார்த்தை, குடும்ப அங்கத்தினரிடையே உள்ள பந்தபாசத்தைக் குறிக்கப் பெரும்பாலும் பயன்படுத்தப்பட்டது. கிறிஸ்தவர்கள் தங்களது குடும்பத்தாரிடம் அன்பு காட்டுவதற்குப் பெரிதும் முயற்சி செய்கிறார்கள். கடைசி நாட்களில், “பந்தபாசம் இல்லாத” ஆட்களே எங்கு பார்த்தாலும் இருப்பார்கள் என பவுல் முன்னுரைத்தார்.b—2 தீ. 3:1, 3.

குடும்ப அங்கத்தினரிடையே இயல்பாய் இருக்க வேண்டிய அன்பு இன்றைய உலகில் இல்லாதிருப்பது வருத்தத்திற்குரியது. கர்ப்பிணித் தாய்மார்கள் பலர் ஏன் கருச்சிதைவு செய்கிறார்கள்? அநேக குடும்பத்தார் வயதான பெற்றோர்மீது ஏன் கரிசனை காட்டுவதில்லை? விவாகரத்து விகிதம் ஏன் ராக்கெட் வேகத்தில் உயர்ந்து வருகிறது? இதற்கெல்லாம் உண்மையான காரணம், பந்தபாசம் இல்லாததே.