హోషేయ
6 “రండి, మనం యెహోవా దగ్గరికి తిరిగెళ్దాం,
ఆయన మనల్ని ముక్కలుముక్కలుగా చీల్చేశాడు,+ ఆయనే మనల్ని బాగుచేస్తాడు.
ఆయన మనల్ని కొట్టాడు, ఆయనే మన గాయాలకు కట్టు కడతాడు.
2 రెండు రోజుల తర్వాత ఆయన మనల్ని బలపరుస్తాడు.
మూడో రోజున మనల్ని పైకి లేపుతాడు,
మనం ఆయన ముందు జీవిస్తాం.
3 మనం యెహోవాను తెలుసుకుందాం, ఆయన్ని తెలుసుకోవడానికి తీవ్రంగా కృషిచేద్దాం.
సూర్యుడు ఉదయించడం ఎంత ఖచ్చితమో, ఆయన రావడం కూడా అంతే ఖచ్చితం;
కురిసే వర్షంలా, భూమిని తడిపే కడవరి వానలా*
ఆయన మన దగ్గరికి వస్తాడు.”
4 “ఎఫ్రాయిమూ, నేను నిన్ను ఏం చేయాలి?
యూదా, నిన్ను నేనేం చేయాలి?
నీ విశ్వసనీయ ప్రేమ ఉదయకాల మేఘాల లాంటిది,
త్వరగా మాయమైపోయే మంచు బిందువుల లాంటిది.
నీ మీదికి వచ్చే తీర్పులు వెలుగులా ప్రకాశిస్తాయి.+
6 ఎందుకంటే నేను విశ్వసనీయ ప్రేమను* ఇష్టపడతాను, బలుల్ని కాదు;
దేవుని గురించిన జ్ఞానాన్ని ఇష్టపడతాను, సంపూర్ణ దహనబలుల్ని కాదు.+
7 కానీ వాళ్లు, కేవలం మనుషుల్లా నా ఒప్పందాన్ని మీరారు.+
తమ దేశంలో నాకు నమ్మకద్రోహం చేశారు.
9 యాజకుల సమూహం, మనిషి మీద దాడిచేయడానికి మాటువేసే దోపిడీ ముఠాల్లా ఉంది.
షెకెము+ దగ్గరున్న దారిలో వాళ్లు హత్య చేస్తారు,
వాళ్లది అవమానకరమైన ప్రవర్తన.
10 నేను ఇశ్రాయేలు ఇంటివాళ్లలో ఘోరమైనదాన్ని చూశాను.
11 అయితే యూదా, నీ కోసం కోతకాలం నిర్ణయించబడింది,
బందీలుగా ఉన్న నా ప్రజల్ని నేను తిరిగి సమకూర్చినప్పుడు అది జరుగుతుంది.”+