“కావున మీరు ప్రియులైన పిల్లలవలె దేవుని పోలి నడుచుకొనుడి” అని దేవుని వాక్యమైన బైబిలు నిజ క్రైస్తవులను ప్రోత్సహిస్తోంది. (ఎఫెసీయులు 5:1) దేవునికి తన ఆరాధకులపైవున్న నమ్మకాన్ని ఈ మాటలు స్పష్టంగా చూపిస్తున్నాయి. అదెలా? యెహోవాదేవుడు మనిషిని తన స్వరూపమందు, తన పోలికె చొప్పున సృష్టించాడు. (ఆదికాండము 1:26, 27) అలా దేవుడు తన లక్షణాలతో వారిని సృష్టించాడు.a కాబట్టి బైబిలు “దేవుని పోలి నడుచుకొనుడి” అని క్రైస్తవులను ప్రోత్సహిస్తున్నప్పుడు, స్వయంగా యెహోవాయే వారితో ఇలా అంటున్నట్లుగా ఉంది, ‘నాకు నీ మీద నమ్మకం ఉంది. నీలో అపరిపూర్ణతలు ఉన్నప్పటికీ కొంతమేరకు నన్ను పోలి నడుచుకోగలవని నాకు తెలుసు.’