“వారు ఆనందసంతోషములు గలవారై వచ్చెదరు, దుఃఖమును నిట్టూర్పును ఎగిరిపోవును.”—యెషయా 35:9.

3. ఏ అర్థవంతమైన పదాలు మన అవధానాన్ని పొందే అర్హత కలిగివున్నవి, ఎందుకు?

³ యేసు మాటలను జ్ఞప్తికి తెచ్చుకోండి: “మీయందు నా సంతోషము ఉండవలెననియు, మీ సంతోషము పరిపూర్ణము కావలెననియు ఈ సంగతులు మీతో చెప్పుచున్నాను.” (యోహాను 15:11) “మీ సంతోషము పరిపూర్ణము కావలెను.” ఎంత గొప్ప వర్ణనో కదా! క్రైస్తవ జీవన విధానం యొక్క లోతైన పఠనం మనం పూర్తిగా ఆనందించడం కొరకైన అనేక కారణాల్ని బయల్పరుస్తుంది. అయితే ప్రస్తుతం, యెషయా 35:9లోని కొన్ని అర్థవంతమైన పదాలను గమనించండి. అవి నేడు మనకు ఎంతో వర్తిస్తాయి గనుకనే అవి అర్థవంతమైనవి. మనమిలా చదువుతాం: “యెహోవా విమోచించినవారు పాటలు పాడుచు (“ఆనందంతో కేకలు వేయుచు,” NW) తిరిగి సీయోనుకు వచ్చెదరు; వారి తలలమీద నిత్యానందముండును. వారు ఆనందసంతోషములు గలవారై వచ్చెదరు, దుఃఖమును నిట్టూర్పును ఎగిరిపోవును.”

4. యెషయా 35:9లో ఏ రకమైన ఆనందం ప్రస్తావించబడింది మరి దీనికి మనమెందుకు అవధానాన్ని ఇవ్వాలి?

⁴ “నిత్యానందముండును.” ‘నిత్యం’ అనే పదం హెబ్రీ భాషలో యెషయా వ్రాసిన దాని యొక్క సరియైన భాషాంతరీకరణయే. కాని ఇతర లేఖనాల్లో ఉన్నట్లుగా ఈ లేఖనములోని ప్రాముఖ్యత ‘నిత్యత్వం’ అనేదే. (కీర్తన 45:6; 90:2; యెషయా 40:28) కాబట్టి నిత్యానందాన్ని అనుమతించే పరిస్థితుల్లో—అవును, సమర్థనీయమైన రీతిలో—ఆనందం అంతం లేనిదౌతుంది. అది సంతోషభరితమైందిగా అన్పించటం లేదా? అయితే, ‘నా అనుదిన సమస్యలు మరియు చింతలు నాకెంత ప్రాముఖ్యమో అది అంత ప్రాముఖ్యం కాదు’ అని మీరు భావించేలా చేస్తూ బహుశా ఆ వచనం ఒక అస్వాభావిక పరిస్థితి యొక్క వివరణగా మీకు అనిపించవచ్చు. యెషయా 35:9లోని ప్రవచనాత్మక వాగ్దానం నేడు మీ విషయంలో భావాన్ని కల్గివుంది. ఈ చక్కని అధ్యాయాన్ని, అంటే యెషయా 35లోని పూర్వపర సందర్భంలోని ప్రతి భాగం ఎలా గుర్తింపబడిందో కనుగొనేందుకు దాన్ని మనం పరిశీలిద్దాం. మనం తెలుసుకొనే దానినిబట్టి మీరు నిశ్చయంగా ఆనందిస్తారని నమ్మవచ్చు.