“పరలోక రాజ్యం, తన ద్రాక్షతోటలో పనివాళ్లను కూలికి పెట్టుకోవడానికి తెల్లవారుజామునే బయల్దేరిన ద్రాక్షతోట యజమానిలా ఉంది. అతను రోజుకు ఒక దేనారం ఇస్తానని చెప్పి పనివాళ్లను తన ద్రాక్షతోటలోకి పంపించాడు. ఉదయం దాదాపు 9 గంటలకు అతను మళ్లీ బయటికి వెళ్లినప్పుడు, పని దొరకక సంతలో నిలబడివున్న కొంతమందిని చూసి వాళ్లతో, ‘మీరు కూడా నా ద్రాక్షతోటలోకి వెళ్లండి, మీకు ఎంత ఇవ్వాలో అంత ఇస్తాను’ అని చెప్పాడు. దాంతో వాళ్లు వెళ్లారు. అతను మధ్యాహ్నం దాదాపు 12 గంటలకు అలాగే దాదాపు 3 గంటలకు మళ్లీ బయటికి వెళ్లి అలాగే చేశాడు. చివరికి సాయంత్రం దాదాపు 5 గంటలకు కూడా అతను బయటికి వెళ్లి, అక్కడ ఖాళీగా నిలబడివున్న కొంతమందిని చూసి, ‘మీరు పనిచేయకుండా రోజంతా ఎందుకు ఇక్కడ నిలబడివున్నారు?’ అని అడిగాడు. అందుకు వాళ్లు, ‘మమ్మల్ని ఎవరూ పనిలో పెట్టుకోలేదు’ అని చెప్పారు; అప్పుడు అతను, ‘మీరు కూడా నా ద్రాక్షతోటలోకి వెళ్లండి’ అన్నాడు.”—మత్తయి 20:1-7.

“పరలోక రాజ్యం, తన ద్రాక్షతోటలో పనివాళ్లను కూలికి పెట్టుకోవడానికి తెల్లవారుజామునే బయల్దేరిన ద్రాక్షతోట యజమానిలా ఉంది. అతను రోజుకు ఒక దేనారం ఇస్తానని చెప్పి పనివాళ్లను తన ద్రాక్షతోటలోకి పంపించాడు. ఉదయం దాదాపు 9 గంటలకు అతను మళ్లీ బయటికి వెళ్లినప్పుడు, పని దొరకక సంతలో నిలబడివున్న కొంతమందిని చూసి వాళ్లతో, ‘మీరు కూడా నా ద్రాక్షతోటలోకి వెళ్లండి, మీకు ఎంత ఇవ్వాలో అంత ఇస్తాను’ అని చెప్పాడు. దాంతో వాళ్లు వెళ్లారు. అతను మధ్యాహ్నం దాదాపు 12 గంటలకు అలాగే దాదాపు 3 గంటలకు మళ్లీ బయటికి వెళ్లి అలాగే చేశాడు. చివరికి సాయంత్రం దాదాపు 5 గంటలకు కూడా అతను బయటికి వెళ్లి, అక్కడ ఖాళీగా నిలబడివున్న కొంతమందిని చూసి, ‘మీరు పనిచేయకుండా రోజంతా ఎందుకు ఇక్కడ నిలబడివున్నారు?’ అని అడిగాడు. అందుకు వాళ్లు, ‘మమ్మల్ని ఎవరూ పనిలో పెట్టుకోలేదు’ అని చెప్పారు; అప్పుడు అతను, ‘మీరు కూడా నా ద్రాక్షతోటలోకి వెళ్లండి’ అన్నాడు.”—మత్తయి 20:1-7.

యాజకులు, మతనాయకులు సామాన్య యూదుల్ని దేవుని ద్రాక్షతోటలో కొన్ని గంటలు మాత్రమే పనిచేస్తున్న వాళ్లలా, అంటే దేవుణ్ణి తక్కువగా సేవిస్తున్న వాళ్లలా చూసేవాళ్లు. ఆ సామాన్య యూదులు, యేసు చెప్పిన ఉదాహరణలో ఉదయం దాదాపు 9 గంటలకు, మధ్యాహ్నం 12 గంటలకు, 3 గంటలకు, సాయంత్రం 5 గంటలకు ద్రాక్షతోటలో పనిచేయడానికి వచ్చినవాళ్లలా ఉన్నారు.

మతనాయకులు, యేసును అనుసరిస్తున్న ప్రజల్ని “శపించబడిన” వాళ్లుగా చూసేవాళ్లు. (యోహాను 7:49) ఆ ప్రజలు ఎన్నో సంవత్సరాలుగా చేపలు పట్టే పని, కూలి పని చేస్తూ ఉన్నారు. అయితే, సా.శ. 29 శరదృతువులో “ద్రాక్షతోట యజమాని” యేసును పంపించి, క్రీస్తు శిష్యులుగా దేవుని కోసం పనిచేయమని దీనులైన ఆ ప్రజల్ని ఆహ్వానించాడు. ఆ విధంగా వాళ్లు యేసు చెప్పిన ఉదాహరణలో, “చివర్లో” అంటే సాయంత్రం 5 గంటలకు వచ్చిన పనివాళ్లలా ఉన్నారు.