22. ఏది పౌలును ఎఫెసు పెద్దలకు దగ్గర చేసింది?

²² పౌలు చూపించిన నిజమైన ప్రేమే సహోదరులకు ఆయన్ని దగ్గర చేసింది. ఆయన బయల్దేరాల్సిన సమయం వచ్చినప్పుడు “వాళ్లంతా చాలా ఏడ్చి, పౌలును కౌగిలించుకొని, ఆప్యాయంగా ముద్దు పెట్టుకున్నారు.” (అపొ. 20:37, 38) పౌలులాగే నిస్వార్థంగా సంఘం కోసం కష్టపడేవాళ్లను నేడు క్రైస్తవులు ఎంతో ప్రేమిస్తారు, గౌరవిస్తారు. పౌలు ఆదర్శం నిజంగా మన హృదయాల్ని కదిలిస్తుంది. “ఎవరి రక్తం విషయంలోనూ నేను దోషిని కాను” అని పౌలు అన్నాడు. (అపొ. 20:26) ఆయన అలా అనడం గొప్పలు చెప్పుకోవడమో, ఎక్కువ చేసి చెప్పుకోవడమో కాదని మనందరం ఖచ్చితంగా ఒప్పుకుంటాం.