పౌలు మాసిడోనియా అంత దూరాల్లో ఉన్న సంఘాల సహకారాన్ని కూడా తీసుకున్నాడు. యూదయలో బీదరికం బారినపడిన క్రైస్తవుల కోసం విరాళాల సేకరణకు ఆయన ఏర్పాటు చేశాడు. కొరింథీయులకు, “నేను గలతీయ సంఘములకు నియమించిన ప్రకారము మీరును చేయుడి. నేను వచ్చినప్పుడు చందా పోగుచేయకుండ ప్రతి ఆదివారమున మీలో ప్రతివాడును తాను వర్ధిల్లిన కొలది తనయొద్ద కొంత సొమ్ము నిలువ చేయవలెను”a అని పౌలు వ్రాశాడు.—1 కొరింథీయులు 16:1, 2.