Ingai bo Edeke?

Nepetai ameun naajaunotor itunga toma akwap, amaata kesi idekesio luipu. Konye inerit Ebaibuli nuikamunitos Edeke ediopet ebe “epol . . . adepar idekesio kere.” (2 Aisiitonokin 2:5) Ingai bo Edeke ngol? Ido inyo ijaikinit nges araut loepol adepar idekesio ice luemaete itunga? Kotoma aisisiaet kana, ibuni jo aisisiaun nuekoto Edeke ngol ijo ajenun kanuikamunitos nges.

1. Ingai bo ekiror loka Edeke, ido epone bo ani itogogongia oni ebe ekoto ngesi oni ajenun ekiror ngol?

Kotoma Obaibuli, itejenikit Edeke oni ekekiror. Ebala ngesi ebe: “Eong Yawe.” (Kosiom Anyoun 6:2, 3.) “Yawe” erai aijulunet naka ekiror loka Edeke kotoma Aburanian loitetemitai akepolou ebe “Einakini Ajaun.” Ekot Yawe oni ajenun ekekiror. (Anyoun 3:15) Epone bo ani ijenia oni ngun? Ajai ekiror loka Edeke Obaibuli toma aiboisio nuedeparitos 7,000!a Ekiror Yawe erai loka ‘Edeke ediopet bon lokabeit’ kotoma akuj, ka akwap da.​—Yokana 17:3.

2. Anyoika bo nuelimokinit oni Ebaibuli kanuikamunitos Yawe?

Ebala Ebaibuli ebe kotoma odekesio kere luemaete itunga, Yawe bon nges Edeke lokabeit. Kanuinyo? Kanu akiro nuipu. Ejaatar Yawe keyaitene loepol kakere, ido nges bon ‘Loejai Kuju Kakuj koyaite akwap kere.’ (Kosiom Isabulin 83:18.) Erai ngesi “Lokapedor kere,” akepolou ebe ejaatar ngesi kapedor naka aswam idiobore kere yenekot ngesi. Ngesi abu “kosub iboro kere”​—akuj ka akwap ka iboro kere luejaasi toma. (Apukokinio 4:8, 11) Emamei yeneriakasi ka Yawe naarai ngesi bon ejaenena ido inyikokini ajaut ikar kere.​—Isabulin 90:2.

3. Ipu Edeke adokena konye ekekiror erai ediopet bon

Kanu aanyun atiaketait naejai kiding adoketait naka etunganan keda ekekiror, koboliak EBIDIO, kosodete aimor aingiset naetupakini.

EBIDIO: Adokena Nuipu Konye Ekiror Ediopet Bon (0:41)

• Ani bo atiaketait naejai kiding adoketait kwape nat “Ejakait,” keda ekiror?

Ebala Ebaibuli ebe, emaete itunga idekesio luipu ka ijaka da luipu. Kosiom Isabulin 136:1-3, kosodete aimor aingiset nata:

• Ingai bo “Edeke loka idekesio” ka “Ejakait loka ijaka”?

4. Ekoto Yawe oni ajenun keda anyarit nges kekirorike

EBIDIO: Ejai Kereka Edeke Ekiror?​—Nuetiakunitai (3:11)

• Iwomit kereka ijo ebe ekoto Yawe ekekiror ajenunio? Kanuinyo?

Ekoto Yawe itunga anyarit nges kekirorike. Kosiom Iromayon 10:13, kosodete aimor aingiseta nuta:

• Kanuinyo eraar ibore yenepol oni anyarit Edeke kekekiror, Yawe?

• Epone bo ani ipupia ijo arai iitunit itunganan ekonikiror ka anyarit da?

• Iwomit ijo epone ani epupio Yawe nainyaritor ijo nges kekekiror?

5. Ekoto Yawe ijo aikunyakin neejai ngesi

EBIDIO: Amoi Eong Edeke Lokabeit (8:18)

• Katupitos ebidio, epone bo ani abu aisisiaun nuikamunitos ekiror loka Edeke kotiroria Soten?

Eringa jo erauna epapero loka itunganan, igei ber jo ajenun ekekiror. Kosiom Yakob 4:8a, kosodete aimor aingiseta nuta:

• Inyo bo ekoto Yawe ijo aswam?

• Ajenun ka anyarit Edeke kekirorike, epone ani ingarakinia jo aikunyakin neejai ngesi?

NUIDAU AISISIAUN

Yawe nges ekiror loka Edeke ediopet bon lokabeit. Ekoto ngesi oni ajenun ka aitwasam ekekiror tetere oni ikunyakini neejai ngesi.

Ainyogoor

• Epone ani eraar Yawe loitegelikina kaneejaasi idekesio luce kere luemaete itunga?

• Kanuinyo ibusakinitor oni aitwasam ekiror loka Edeke?

• Inyo itodunit ebe ekoto Yawe ijo aikunyakin neejai ngesi?

ISISIAU BOBO NUTA

Isisiau akiro akany nuitogogongitos cut ebe ejai Edeke.

“Ejai Kereka Edeke?” (Aisisiaet naka olago)

Kisisiau kanuinyo ejokiar oni aiyuun ebe ejai Edeke.

“Ingai bo Abu Kosub Edeke?” (Watchtower, Elap Loikanyetauni 1, 2014)

Kisisiau kanuinyo ibusakinitor oni anyarit Edeke kekekiror, karaida mam aiwadikaeta nukolo sek itodunitos epone loalimununere ekiror ngol.

“Ingai bo Yawe?” (Aisisiaet naka olago)

Erai kereka epone loinyaritor oni Edeke ibore yenepol? Koany kanuinyo ipedoria oni atemar ebe ejaatar Edeke kekiror ediopet bon.

“Imwaasi Ai Ikiroria Luejaatar Edeke?” (Aisisiaet naka olago)