AISISIAET NA 02

Ijaikinit Ebaibuli Oni Amun

Loijerunio

Etereikina itunga luka akwapin kere keda atiokisio nueinakinitos kes aipup erono, aiyalongong, keda apipil. Itereikina kereka ijo da keda ejautene loikoni nen? Aticepak ideka jo arai bo itwaniarit ijo iminatakon. Ipedori ijo aingitakin ebe, ‘Edaunos kereka atiokisio?’ Ijaikinit Ebaibuli oni abongokinet naisimonikini.

1. Ani bo amun naijaikinit Ebaibuli oni kanukoingaren?

Itetemit Ebaibuli kanuinyo ejaatar atiokisio, elimokinit bobo oni akiro nukajokak ebe eraasi atiokisio nuka apak naedit, kosodi bobo ebe, eyapie Edeke alemar atiokisio kere. Aisumuneta nuka Ebaibuli einakinete ijo “amunokina nuepote” koingaren. (Kosiom Yeremia 29:11, 12.) Ingarakini amun na oni atitingikin atiokisio, ajaut kaiyalama kwape kwana, ka ikar kere.

2. Anyoika bo nuitetemit Ebaibuli kanuikamunitos nuepote atakanun koingaren?

Elimokinit oni Ebaibuli ebe, koingaren “mam bobo ejaun atwanare, karaida akuudian, karaida aimony, karaida ariebo, mam bobo ejaunos.” (Kosiom Apukokinio 21:4.) Atiokisio nuetereikina kaoni lolo—ibakor, amamut etube loejok, ariebo, keda atwanare—mam bobo ejaunos cut. Isumunit Ebaibuli ebe epote itunga alelakin aijar ikar kere kotoma Paradais kakwap.

3. Epone bo ani ipedoria ijo ajenun cut ebe itodolikinos aisumuneta nuka Ebaibuli?

Itunga luipu emunosi iboro luejok atakanikin kes, konye mam kes epedorete aitogogong ebe itodolikinos ngun. Konye aisumuneta nuka Ebaibuli itodolikinos. Ipedori oni aitogogong amunowok kotoma kanuinera Ebaibuli kopone lo oni ‘angicenen nuiwadikatai.’ (Aswamisio 17:11) Naisisia ijo Ebaibuli, ipedori ijo ilopet aseun arai iyuuni nuebala Ebaibuli kanuikamunitos ingaren arai bo mam.

KISISIAU NUIPU

Isisiau nuikamunitos aisumuneta nueinakinit Ebaibuli kanukoingaren. Koany epone loingarakinitor itunga lolo amun naijaikinit Ebaibuli.

Aputosia: Aitirian ejautene loka iboro luiswamasi lolo keda nuepote aiswamaun koingaren kwape isumunitere koBaibuli. Inyogokinitai aitodiar iboro ngul kane kokwap.

4. Isumunikinit Ebaibuli oni aijar naka ikar kere naemameete atiokisio

Koany ber jo aisumuneta nu nuijaikinit Ebaibuli. Anu bo kakesi eminakinitos ijo noi? Ido kanuinyo?

Kosiom ikokoron lueinakinitai kotoma aisumuneta kangun, kosodete aimor aingiseta nuta:

Iwomit ijo ebe einakinete ikokoron ngul ijo amun? Epedorete kereka lukokalekon ka ipaperokon adumun amun kokokoron kangul?

Koomoom ber jo nuikamunitos aijar kotoma akwap:

NAEMAMEUNOR . . .	NGINITUNGANAN . . .
apipil, amojongu, keda atwanare.—Isaia 25:8.	eanyuni luminanake itajarunio kanu aijar kotoma akwap.—Yokana 5:28, 29.
adeka arai bo angwal.—Isaia 33:24; 35:5, 6.	elelakini aijar naejok ido yenemojongit, ebongokini toma apakio nuka atumunike.—Yob 33:25.
etube loaronon.—Isaia 32:16, 17.	ejaunos kinyamat luedolito, ere loibus, ido elelakini aswam.—Isabulin 72:16; Isaia 65:21, 22.
aiticanitoi kanuka ijiisinei.—Isabulin 46:9.	edumuni ainapakin naeiliili.—Isabulin 37:11.
aipup apipil karaida ajaut kaomisio nuiticanete.—Isaia 65:17.	ejari ikar kere kotoma ojautene loejok noi.—Isabulin 37:29.

Isapat yenadeka engalei kwana ido etunasi katotoke.

Etunganan loamojongit eteteun ido eremit awilibaro naejaasi ikorion.

5. Aisumuneta nuka Ebaibuli eraasi nuingarakinete noi

Itunga luipu ipirisiara itauon ido itakadikina kanuka atiokisio nuejaasi toma akwap. Etamitos ice nuepedorete kere aijulakin ejautene ngon. Koany epone loingarakinitor itunga lolo aisumunet naka Ebaibuli naebala ebe epote iboro ajokunar. Koboliak EBIDIO, kosodete aimor aingiseta nuetupakinete.

EBIDIO: Akoto Eong Aitiji Amamut Adolit (4:07)

Aput naelemunitai kobidio ‘Akoto Eong Aitiji Amamut Adolit.’ 1. afika eroko erai apese edengi epaaba keda eriokok luce. 2. Rafika eumokinit aanyun itunga luka iriagin luegelegela eminanara kotoma atukonokin nakapolon naka Ajenak Luka Yawe naajaikina ngesi kapakike nasodit.

Kotoma obidio, ani bo amamut adolit naabu koinak Rafika aipup erono?
Epone bo ani abu Ebaibuli ingarakinia nges karaida enyikokinit amamut adolit ajaut?

Amun naeinakinit Ebaibuli kanuikamunitos ingaren, epedori aingarakin oni aipikor aiyalongong kasodete adumun aiyalama karaida ejaas atiokisio. Kosiom Awaragasia 17:22 keda Iromayon 12:12, kosodete aimor aingiseta nuta:

Iwomit ijo ebe ipedori jo aimedaun kwape kwana arai kiyuu ijo akiro nuinerit Ebaibuli kanuikamunitos ingaren? Kanuinyo?

EBAKASI ICETUNGA EBE: “Aisumuneta nuka Ebaibuli kanuikamunitos ingaren mam epote aitodolikin.”

Kanuinyo ejokunar ijo ilopet aisisiaun nuitogogongitos ebe itodolikinos aisumuneta nuka Ebaibuli?

NUIDAU AISISIAUN

Isumunikinit Ebaibuli oni ingaren naejok ido einakinit amun naingarakini oni atitingikin atiokisio kaiyalama.

Ainyogoor

Kanuinyo ibusakinitor itunga ajenun nuikamunitos aisumuneta nuka Edeke?
Anyoika bo nuinerit Ebaibuli kanuikamunitos ingaren?
Epone bo ani epedoria ajaut kamun aingarakin ijo lolo?

Apak naingetakinitor aisisiaet na:

Nuebeit ijo aitodolikin

Kojenu aisumuneta nuka Ebaibuli kopone lo jo aisiom ikokoron luijaikinitai kotoma aisisiaet kana.

Ace:

Your other goal

ISISIAU BOBO NUTA

Kisisiau epone loepedoria amun aingarakin ijo kotoma atiokisio.

“Ai bo Idumakini Ijo Amun?” (Awake!, Elap Loiwongonet 22, 2004)

Kojenu epone loepedoria amun aingarakin ngul luejaas ka adekasinei nuaticepak mam imukias.

“Epedori Kereka Ebaibuli Aingarakin Oni Nakijaar Keda Adeka Namam Imukia?” (Aisisiaet naka olago)

Naisesenia ijo ebidio lo koomoom bala ijai ijo kalukokalekon alelakinit aijar kotoma Paradais kakwap kwape isumunitor Ebaibuli.

Koomoom Ber Jo Apak Ngin (3:37)

Kosiom kojenu epone loabu ajiunon apedorosio nuka itiang ka itunga ijulakinor akaulo naesisiaunia ngesi amun naijaikinit Ebaibuli kanukoingaren.

“Mam Bobo Eong Aomit Ebe Ibusakinit Eong Aijulakin Akwap” (Watchtower, Elap Loikanyetaarei 1, 2013)