MGBER U HENEN KEN TIÔNNONGO

NGEREN MBA TIMEN SHA MI

▪ Mba Yehova A Doo Ve Ishima yô, “Ma Kwagh u Nan Ve Gbev Mbu Nôngon Kera Ngu Ga”

Mbakristu cii mba gban ayem sha er vea zua a iyua i uma u tsôron yô. Kpa er se ye dyako u isholibo yô, se cii se mba nenge gbev. Ngeren ne una wase se se fa akaa a nan se gbev mbu nôngon ataan, shi una pase er se er ve akaa shon aa yange se u hemban ayem a se lu gban ne ga yô.

▪ U Ngu a ‘Ishima i Fan’ Yehova Kpa?

Takerada u Yeremia ôr se akaa kpishi sha kwagh u ishima. Ngeren ne una wase se se fa kwagh u a lu u ‘tsôngon asema ga’ la, man er kwagh ne una fatyô u vihin mlu u Orkristu vea Aôndo je kpaa yô. Shi se er nan ve se lu a ‘ishima i fan’ Yehovaa?—Yer. 9:26; 24:7.

▪ Er ‘Se Va Fe Aôndo’ Ne, Mase Shin Nyi Hegene?

Ka nyi akaa ka i gba u or a er ve nana hingir u fan Aôndo shi un kpa fan nana? Gba u Orkristu un nan vie ken jijingi kpa nana za hemen u vesen her sha ci u nyi, man nana er kwagh ne nena? Ngeren ne una wase u u zuan a mbamlumun sha mbampin mban.

▪ Yehova Ka Ijiir Yase i Teman

Se mba ken tar u u ker se ihyom yô. Kpa gba u se cia ga. Ngeren ne tese se er Yehova a lu ijiir i teman i hemban doon, i ior nav yô.

▪ Civir Iti i Yehova I Hemban La

U lun môm ken mba i yer ve sha iti i Aôndo la inja na er nyi? Inja i u zenden ken iti shon ér nyi? Man Aôndo nengen mba ve lahan iti na la nena? Ngeren ne una na mbamlumun sha mbampin mban.