Ityough 8

Ka Unô Ve Lu Mbaihyomov Mba Aôndo?

Orihyom u Aôndo u hemban cii yô ka Satan Diabolo. Un ka or u ke’ jijingi u yange hemba Yehova ato yô. Satan ngu di nôngon kwagh a Aôndo heregh ngéghéléé shi zan uumace iyol kpoghuloo kpaa. Satan ka iferor. Ka oraie shi ka orwuanor kpaa.—Yohane 8:44.

Uuma mbagen mba ke’ jijingi kpa yange ve dondo Satan ke’ ihyembeato na i a hemba Aôndo ato la. Bibilo yila ve ér ujijingi mba bov. Azôv kpa kôr uumace ihyom, di vough e̱r Satan kpa a ker ve ihyom nahan. Ka ve soo u bulan ior. (Mateu 9:32, 33; 12:22) Yehova una tim Satan man azôv a na, vea kera lu ga zan zan gbem sha won. Shighe u a mase shin her u vea za uumace iyol la kera vese ga.—Mpase 12:12.

Aluer ú soo wer ú lu ijende i Aôndo yô, mayange de eren kwagh u Satan á soo ér u̱ er la ga. Satan kôr Yehova ihyom, e̱r azôv kpa á ker Un ihyom nahan. Mban ka mbaihyomov mba Aôndo, shi ve soo ér we kpa vea gema ú u̱ hingir orihyom u Aôndo. Gba u saa ú tsua or u ú soo wer ú eren ishima i nan la—a̱ lu Satan ga yô a lu Yehova. Aluer ú soo uma u tsôron yô, gba u saa ú tsua u eren ishima i Aôndo. Satan ngu a atseregh man igbenda kpishi i tsughun ior. Ngu bumen ior kpishi.—Mpase 12:9.