Ú Ngu A “Mhen U Kristu” Kpa?
“Aôndo u ishimawan man ishimasurun A̱ na ne, lu nen . . . sha inja i Kristu Yesu la.”—MBAROMANU 15:5.
1. Ka sha nyi gbenda i pase mlu u Yesu ken akaakperan a Mbakristu Mbaaiev ve kpel la, man hii nan gbenda u i pase mlu u Yesu ne ú lu sha mimi ga?
“IYANGE i môm kpa se ahan or nenge ga.” Kape i er kwagh sha iyol i Yesu ke’ takerada ugen u i senge ér ngise orvesen ugen ke’ tar u Roma nger ú je la. Takerada u i hii fan ú ke’ derianyom u sha 11 je zan zan nyian kpa ú lu a̱ gema kposo ga ne bende a mbàkpèlánakaa ngee.a Ken ufoto mba Yesu kpishi mba i kpel a kpela cii, mluashe na bee or u ka nan lu zunguluu, ahan a gbe nan zwa ga, shin aa gbaan je kpa i laghen a lagh yô. Kpa taver u imba mpase u i pase mlu u Yesu ne i̱ lu mimi yô, un u Ivangeli i kaa ér ngu ishima legh legh shi a doo inja shi mhôônom ma ker un tsung kpaa la.
2. Se hii nan ve se lu a ‘ishima i Kristu Yesu’ la, man kwagh ne una wa se ago iyol u eren nyi?
2 Aluer ka u se fa mluashe u Yesu jim jim yô, wanger wang e̱r i gbe u saa se iv mbamhen asev man asema ase a mfe u vough u injaor i Yesu lu̱ kpôô kpôô zum u yange lu shin tar la yô. Nahan yô, de se gbidye nen kwar sha akaa agenegh a i nger ke’ Ivangeli, a aa na se zua a mkav sha kwagh u “mhen u Kristu” yô—inja na yô, ka mbamlu nav mba ke’ ishima man mbamnenge nav man mbamhen nav je la. (1 Mbakorinte 2:16) E̱r se nguren eren nahan yô, de se nenge nen e̱r se hii ve se lu a ‘ishima i Kristu Yesu’ la yô. (Mbaromanu 15:5) Aluer se er nahan yô, se hemba wan ago iyol u dondon gbenda u a tese se la ke’ uuma asev man sha aeren a ase a mbagenev kpaa.—Yohane 13:15.
Yange í Heghem Ior u Zan he’ A Na
3, 4. (a) Kanyi yange i̱ za hemen e̱r i nger ke’ Marku 10:13-16 la nahana? (b) E̱r mbahenen mba Yesu mba nèngé ér vea yàngè mbayev ve̱ de ve he’ a na ga yô, a e̱r nena?
3 Yange ior soon u sôsom a Yesu. Ashighe kpishi, mbayev man mbaganden duen sha ajiir kposo kposo vaan hen a na vangertiôr. Nenge ase kwagh u i nger ke’ Marku 10:13-16 la. Kwagh ne yange e̱r zum u i shi kpuaa u una mase kúùsù tom na ve ver ishigh yemen ke’ Yerusalem kwa u masejime, sha u za tagher ishigh aa ku u nyoon la.—Marku 10:32-34.
4 Kenger ase kwagh u yange e̱r la ke’ ishima. Ior gba van a mbayev he’ Yesu, kua anikyundanev kpaa, ér a̱ ver ve doo doo.b Nahan kpa, mbahenen nôngo ér vea yange mbayev mbara ve̱ de ve he’ Yesu ga. Alaghga yange mbahenen mba Yesu hen ér a soo ér i za un iyol sha ikyaa i mbayev ke’ usati mba mase shin a mi, ishima lu un ker haghelaa ne ga. Kpa ve gema ve tsume. Yesu fe ér ka kwagh u mbahenen nav ve lu eren la yô, kera doo un ga. Yesu yila mbayev ér ve̱ va he’ a na, a kaa ér: “De nen mbayev mba kiriki, ve̱ va her a Mo; de kera yangen nen ve ga.” (Marku 10:14) Been kera yô, a er kwagh u mimi je a tese ér ngu a ishima i legh legh shi eren kwagh sha dooshima kpaa yô. Kwaghngeren la kaa ér: “A kuve ve, shi A . . . ver ve doo doo.” (Marku 10:16) Kundu mbayev mbara iyol e̱r Yesu a kuv ve ke’ ikyum na je ka u kpelan ga.
5. Kwagh u i nger ke’ Marku 10:13-16 la ôr se nyi sha kwagh u injaor i Yesu lùú?
5 Kwaghngeren u i gber gèéndèè ne ôr se akaa kpishi sha kwagh u injaor i Yesu lu̱ yô. Kav wer yange ior vaan he’ a na vangertiôr. Shin e̱r ngise lu sha ian i vesen sha nahan kpa, mayange ôron kwagh sha imotaver a uumace mba ve lu a acôghor iyol ne ga, shin kenger ve dang kpaa ga. (Yohane 17:5) E̱r mbayev je kpa yange i kpe ve iyol a na nahan, kwagh la kpa ngu a inja ga zee? Sha mimi yô, yange tativ ma va ikyua a na ga cii, luun e̱r yange una lu or u ka nan lu gbúùù, nan lu sar sar ga, ahan kpa a gbe nan zwa sha won ga la yô! Yange ior cii vaan hen Yesu, mbayev man mbaganden cii, gadia ve kav e̱r a lu or u doon inja, wan ior ikyo kpaa yô, shi ve lu a vangertiôr ér una gema ijime a ve ma shighe môm kpaa ga.
6. Mbatamen vea er nan ve ior a vaan he’ a ve vangertiôr a hemban a hemba ciili?
6 E̱r se nguren gbidyen kwar ke’ ishima sha kwaghngeren ne yô, doo u se pine iyol yase ser, ‘Mo yô, ḿ ngu a mhen u Kristu je kpa? Ior mba fetyô u van he’ a mo vangertiôr kpa?’ Ken ayange a ican ne yô, kwagh gba iyôngo i Aôndo a mbakuran ilev mba i fetyô u zan he’ a ve vangertiôr la, ka nomsombaiorov mba ve lu e̱r “ijiir i yeren uraahumbe” je la. (Yesaia 32:1, 2; 2 Timoteu 3:1) Mbatamen, aluer ne mba keren ner kwagh u anmgbianev enev a̱ gba ne ishima tsung sha mimi, shi ne kegh iyol u nan iyol yen sha ci ve yô, kwagh la una na ve u kaven e̱r kwagh ve a gbe ne ishima yô. Vea nenge a kwagh ne nahan sha ishiv yenegh shi vea ungwa ken mlu u ikyenge yen shi vea nenge a mi ken erdoo wen la kpaa. Imba erdoo u mimi man gbashima ne una fatyô u yesen msúùr u súúr sha a ven, u̱ una na a heghem mbagenev, kua mbayev kpaa, u van he’ a ven gbar gbar la. Kwase Kristu ugen pase e̱r i hii ve un ker cio u bughun ishima na tsenen sha ishigh ki ortamen ugen yô. A kaa wener: “A lam a mo kúndù kúndù man sha mhôôn kpaa. Í lu nahan ga yô, alaghga zwa tsô kpa yange ma ḿ bugh a na ga. Kpa a na yô, ḿ hingir u fan mer kwagh u zan iyol je kpa ngu ga.”
Yange Waan Mbagenev Ikyo
7. (a) Yesu yange tese ikyo i wan na a mbagenev nena? (b) Hii nan ve Yesu yange bugh orapirashe ugen ashe kule kule?
7 Yesu yange waan mbagenev ikyo. Yange a ver ishima u fan e̱r i lu mbagenev ke’ ishima yô. Yange ishima i gba un awambe zum una nenge a mbara mba ican i er ve la yô, je yô, kwagh ne a mgbegha un u nan ve mpeveryol sha atsan a ve lu yan la. (Mateu 14:14) Shi yange a wa ikyo sha mbamyen man ugbayol mba ior mbagenev kpaa. (Yohane 16:12) Kwagenegh la, ior mbagenev va a orapirashe he’ Yesu, ve zamber a na ér a̱ bugh un ashe. Yesu bugh or la ashe, kpa torough a torough e̱ren kwagh ne ga. Sha hiihii la yô, or la nenge a ior cíǹg—lu “nengen a ve er ka ikon nahan, [kpa ve lu] zenden.” Yesu maa mase bughun un ashe wang. Hii nan ve yange bugh or la ashe kúlè kúlè? Alaghga yange e̱r nahan sha ci u iwanger i yange lu u ia ta or u ngise saa lun ke’ ime kpìí ne sha ishi gaagh la i̱ panden i̱ hoghul un kule kule, kua mluashe u akaa a yange gba lun un kperegh kperegh sha ishi la kpaa.—Marku 8:22-26.
8, 9. (a) Lu nyi i̱ er zum u Yesu man mbahenen nav za̱ sember nyôron he’ vegher tar u Dekapoli la? (b) Pase ase e̱r Yesu yange bugh orakondoato la ato yô.
8 Shi nenge kwagh ugen u yange e̱r zum u iniongo i Paseka i ke’ inyom i 32 S.W. la yange i bee kera la. Yesu vea mbahenen nav va nyôr he’ vegher tar u Dekapoli, sha ityoughkitaregh ki Zegemnger u Galilia la. Mba va sôôn he’ ijiir la yô, zegeikpelaior nenge a ve maa gba van a mbauangev man mbaawanev kpishi he’ Yesu, shi un di kpa bee ve cii angev. (Mateu 15:29, 30) Yange kwagh e̱r doo yô, Yesu yila or ugen due a na ke’ hua sha u wan ikyo sha kwagh na un ikyangegh. Marku, orngeren Ivangeli, u i lu un tseegh a shir a nger kwagh u yange za hemen la, na ibaver i kwagh u yange e̱r yô.—Marku 7:31-35.
9 Or la yange kondo ato shi iliam er un ican kpen kpen je. Alaghga Yesu yange una kav kwagh ne sha e̱r or ne lu kera-ke-kera shi lu eren kwagh sha cieshe yô. Tsô maa Yesu er kwagh u a war lanen ishima dàálàà yô. A ta íbálégh a or ne, ve undu ikpelaior, a yem a na ke’ hua. Nahan Yesu e̱r akav sha u or shon a̱ fa kwagh u un we ishima u eren yô. A “shindi un ahôaveegh ken ato, A haa ijer, A bende un sha nombor.” (Marku 7:33) Yesu been kera yô, a kenger sha maa a e̱r msen a shír ishima. Akaa a yange i lu eren or ne cii lu u kaan a na ér, ‘Kwagh u ḿ we ishima u eren we ne hàr sha tahav mbù mbú dugh hen Aôndo yô.’ U̱ masen kuren yô, Yesu kende kaa ér: “Bugh!” (Marku 7:34) Tsô, or la maa gba ungwan kera, shi gba lamen tsembelee.
10, 11. Se hii nan ve se wa mbagenev ikyo sha mbamlu vev mba ke’ ishima ke’ tiônnongo? man he’ tsomboro?
10 Nenge ase imba ikyo i Yesu lu wa mbagenev la sha wono! Yange a ver ishima tsevaa sha u fan mbamlu vev mba ke’ ishima mbara, nahan mker u yange mhôônom kôron un a or la geman mgbeghan un u eren akaa sha igbenda i wan mbamlu mba ken asema a ve la ikyo. E̱r se lu Mbakristu yô, doo u se yese mhen u Kristu ne ken a vese shi se dondon sha mi sha gbaa ne kpaa. Bibilo wa se kwagh ér: “Ne cii lu nen ishima i môm, shi lu nen mbazungwenmhôônom; doo nen ayol a en er ka anmgbianev nahan, lu nen mba mhôônom ma ker ve; shi hide nen a ayol a en ijime kpaa.” (1 Peteru 3:8) Nahan kwagh ne na yô, gba u se ôron kwagh shi se eren akaa sha igbenda i wan mbamlu mbaiorov mba ke’ ishima la ikyo.
11 Ke’ tiônnongo yô, se fatyô u wan mbagenev ikyo sha mbamlu vev mba ke’ ishima la sha u nan ve icivir shi eren a ve vough e̱r se kpa se soo ser i̱ eren a vese nahan. (Mateu 7:12) Kwagh la una gema a kúà mwe u wan ikyo sha kwaghôron wase man gbenda u sé ôron kwagh la kpaa. (Mbakolose 4:6) Umbur wer ‘kwagh u gban ôron gaagh la kóm e̱r sanker nahan.’ (Anzaakaa 12:18) Ken tsombor di yô, a kaa ér nena? Nom man kwase u̱ ve doo ayol a ve ishima tsung la mba veren ishima tsevaa sha u fan mbamlu vev mba ke’ ishima la. (Mbaefese 5:33) Mba pálégh u ôron kwagh nyang nyang, shin zeren puun ayol a ve hanma shighe shi wan ayol a ve asôngo kpaa la—akaa ne cii aa fatyô u nan ishimavihin i í fe heghem u surun i̱ ga la. Mbayev kpa mba a mbamlu mba ke’ ishima, man mbamaren mba lun a dooshima mba we kwagh ne sha ada kpee. Zum u i gbe u amba a mbamaren ne aa kôôm mbayev vev yô, mba kôôm ve sha igbenda i wan iciviryolough i mbayev vev ikyo shi mba kera shin keren ér vea hèè ve a hèè ga.c (Mbakolose 3:21) Sha nahan yô, zum u se we mbagenev ikyo yô, se mba tesen ser se mba a mhen u Kristu.
Yange Keghen a Kegh Iyol u Nan Mbagen Jighjigh
12. Ka mnenge u vough man u mimi u nyi yange Yesu lu a mi sha mbahenen nava?
12 Mnenge u Yesu lu a mi sha mbahenen nav la lu u mimi shi lu vough kpaa. Yange fa dedoo e̱r ve lu wang ga yô. Kera je kpa, yange faantyô u fan akaa a uumace ve henen ke’ asema a ve la cii. (Yohane 2:24, 25) Nahan cii kpa, lu mbamyina vev mbara nengen ga kpa lu anza ve a dedoo la. Shi yange nenge a gbashima u ior mba Yehova urugh ve mbara lu a mi la. (Yohane 6:44) Mwe u Yesu yange waan kwagh u mbahenen nav sha ada la due tseer tseer sha m-er u yange eren a ve la. Kwagh u a lu di tsô yô, yange keghen a kegh iyol u nan ve jighjigh.
13. Yesu yange tese ér un na mbahenen nav jighjigh nena?
13 Yesu yange tese ér un na ve jighjigh nena? E̱r yange undu tar ne yô, a wa mbahenen nav mba í shìghè ve mkurem mbara zege tom sha ikyev. Yange kende tom u nengen sha ugbayol mba Tartor na la wa sha ikyev ve. (Mateu 25:14, 15; Luka 12:42-44) He’ shighe u lu shiren tom heregh la kpa a tese sha igbenda i kiriki man sha akaa a ver ver ér un na ve jighjigh. Kwa u yange er ivande ve kwaghyan seer ngeen la kpa yange wa mbahenen nav tom u karen kwaghyan la sha ikyev.—Mateu 14:15-21; 15:32-37.
14. Ú sav a sav pasen kwagh u i nger ke’ Marku 4:35-41 la nena?
14 Heela tseegh ga, shi nenge kwagh u i nger ke’ Marku 4:35-41 la kpaa. Kwa u ngun yô, Yesu man mbahenen nav nyôr tso u peren Zegemnger u Galilia la yemen vegher u sha ityoughkitaregh la. Ve naha ve gba ke’ atô ngôôr ga maa Yesu samber inya shin tso maa hungur mnyam kpum kpum. Nahan kpa, ica i gbe ga yô, “zegeuraahumbe gba.” Imba uraahumbe la yange lu kwagh u he ken Zegemnger u Galilia la ga. E̱r Zegemnger ne za shimi (kuma e̱r mita 200, mough sha zar mnger sen a sen) yô, ahumbe a he’ ijiir la hemban tseen a ahumbe a hen uikyasen mbagenev, nahan kwagh ne na u ahumbe a shi toon baveraa. U seer sha kwagh ne yô, yange ijeverahumbe i̱ móúgh sha Uwo u Hermon u ú lu vegher u sha ityoughkitaregh la, i̱ toon shin Pev u Yordan la àsèn-ásèn. Yange uraahumbe ua̱ pèvér a pèvèr nahan maa ugen di shi ú hiin. Yô hen ase sha kwagh ne: Yesu yange fa kwagh u uraahumbe u he’ ihyongo la dedoo, gadia lu ken Galilia je wa ikyondo ye. Nahan cii kpa, e̱r yange na mbahenen nav jighjigh ér ve fa tom ve, shi mbagenev ken a ve lu mbakôronishu yô, or tí hungur mnyam nam ke’ mkpeyol.—Mateu 4:18, 19.
15. Se er nan ve se kav ishima i Yesu a lu a mi i nan mbahenen nav jighjigh laa?
15 Se fatyô u kaven Yesu sha mkegh u yange keghen a kegh iyol u nan mbahenen nav jighjigh la kpa? Ka i taver ior mbagenev u wan mbagenev ityom sha ikyev. Ka ve soo ér vea lu ityough sha hanma kwagh. Alaghga vea lu henen ke’ ishima nahan ér, ‘Aluer ḿ soo mer i̱ er kwagh sha gbenda jighilii yô, a gba u me er kwagh la iyol yam!’ Kpa aluer ka gban u se e̱r hanma kwagh iyol yase yô, se vôr gbèdà gbèdà nahan alaghga se hingir u lun paleghaa a tsombor wase, man kwagh la una wase se ga. Heela tseegh ga, aluer se bùr ityom se kar mbagenev vough vough ga yô, se lu nyumen ve ityesen i i doo u ma ve zough a mi la kua mfe kpaa. A hemba lun sha kwaghfan aluer se hen u nan mbagenev jighjigh, shi wan ve akaa agen sha ikyev yô. Nahan doo u se pine iyol yase sha mimi ser, ‘Ḿ ngu a mhen u Kristu sha gbaa ne kpa? Ka ḿ kar a ishima ḿ wa mbagenev ityom igen sha ikyev, shi ḿ na ve jighjigh mer vea er í sha afatyô ve kpa?’
Yange Tese Mne u A Na Mbahenen Nav Jighjigh La
16, 17. He’ tugh mbu lu u Yesu una mase tsan ke’ uma na shin tar la, ka ishimataver i nyi yange na mbahenen nav, shin e̱r yange fa e̱r vea gbihi un nahan kpaa?
16 Yesu tese mwe na u wan kwagh u mbahenen nav sha ada la ke’ gbenda u injaa ugen. A na sha u ve̱ fa e̱r un lu a vangertiôr sha a ve yô. Kwagh ne due tseer tseer ken mkaanem ma taver ishima ma yange ôr a mbahenen nav he’ tugh mbu lu u una mase tsan ke’ uma na shin tar la. Ver ase ikyav sha kwagh u yange za hemen yô.
17 Yesu lu a akaa a eren kpishi aikighe la. Yange na mbahenen nav ityesen i hiden a iyol jime sha u ôôn ve angahar. Been heela kera yô, a ver kwaghyan u aikighe u una lu ikyav i umbur ku na yô. Nahan, mbaapostoli mbara shi sendegh anyiman kpoghuloo sha kwagh u or u nan lu orvesen ken atô ve yô. E̱r Yesu a we ishima didi yô, a zôhô a ve ga kpa a hen sha kwagh ne a ve imôngo. Nahan a ôr ve kwagh u a lu keghen ve ke’ hemen yô, ér: “Hen tugh mbun, ne cii á na ne anzughul sha kwagh Wam, gadia i nger er: Me gbidye orkuranilev, ilev mbi ken ikum la mbia sambe.” (Mateu 26:31; Sekaria 13:7) A fa je ér ahuraior na a a lu ikyooso kyooso a na ne aa gbihi un zum u kwagh a tser un dedoo la. Nahan cii kpa, a ôr ve ijir ga. A gema a kaa a ve ér: “Kpa Me nderen shin ku kera yô, Me hemen a ven u zan sha Galilia.” (Mateu 26:32) Een, a taver ve ishima ér shin e̱r vea gbihi un nahan kpa, un yô, una gbihi ve ga. Kwaghtseren u vihin ke’ ishima tsung ne una karen kera yô, una hide a kohol ve.
18. Ka zegetom u nyi yange Yesu wa mbahenen nav sha ikyev ken Galilia, man mbaapostoli mbara er ú doo doo kure nena?
18 Yesu yange e̱r sha imo na. Ke’ masejime yô, Yesu u lu nder shin ku la ande hen mbaapostoli nav mbajighjigh mba 11 mbara ken Galilia, mba̱ a̱ shi nan kpa yange vea kohol imôngo a mbagenev kpishi la. (Mateu 28:16, 17; 1 Mbakorinte 15:6) Mba zough heregh cii yô, Yesu na ve zege tom ne, kaa a ve ér: “Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi, tesen nen ve u kuran akaa a M we ne kwagh sha mi cii.” (Mateu 28:19, 20) Takerada u Aerenakaa tese se ikyav wang ér mbaapostoli mbara yange ve e̱r di vough er i wa ve kwagh nahan. Ve hemen tom u pasen loho u dedoo la sha gbashima ke’ derianyom u hiihii la.—Aerenakaa 2:41, 42; 4:33; 5:27-32.
19. Akaa a Yesu lu e̱r zum u a nder shin ku kera la tese se ér nyi sha kwagh u mhen u Kristu?
19 Kwagh u i pase se heen ne tese se ér nyi sha kwagh u mhen u Kristu? Shin e̱r mbaapostoli mba Yesu ta un ijar nahan kpa, “ve doo Un ishima zan zan ar sha mkur je.” (Yohane 13:1) Yange kera kpen mbamyina vev ga kpa gema na sha u ve̱ fa e̱r un ne ve jighjigh yô. Ver ikyav wer vangertiôr u Yesu la saa gbilin ga. Vangertiôr u yange vande lun a mi sha a ve kua jighjigh u yange na ve la cii yange una taver ve u kangen ishima eren tom u yange kaa a ve ér ve̱ er la je ka u kpelan ga.
20, 21. Se hii nan ve se waan kwagh u mbananjighjigh a vese la sha ada?
20 Se hii nan ve se e̱r sha mhen u Kristu sha gbaa ne? Kwagh u mba ve ne jighjigh a vese imôngo la a̱ de dugh se ishima mayange ga. Aluer ishima wanger we keregh a ve ga yô, alaghga iôron you man ieren you cii ia pon kwagh ne ke’ igbar. (Luka 6:45) Nahan cii kpa, Bibilo kaa a vese ér dooshima “ne jighjigh sha akaa cii.” (1 Mbakorinte 13:7) Dooshima taver a taver ishima, gbe a gba uwer ga. Maan a maa, yôhôr a yôhôr ga. Ior mba hembe vengese dooshima man ishimataver a tu vihin. Se fatyô u maan mbagenev shi taver ve ishima sha u nan ve jighjigh vangertiôr. (1 Mbatesalonika 5:11) Aluer se mba wan kwagh u anmgbianev asev sha ada e̱r Kristu kpa lu wa nahan yô, se er a ve sha igbenda i ia maa a maa ve shi ia na vea hemban nôngon kwagh cii yô.
21 U yesen mhen u Kristu ken a vese shi eren sha mi vough la hemba u kaven di a kav Yesu sha akaa agen a yange er la. Di vough e̱r i vande teren ken gbaa kwaghngeren u a kar la nahan, aluer mimi je ka u se er akaa ier i Yesu yô, gba u saa se vande henen u nengen akaa sha mnenge na la. Akaa a i nger ke’ Ivangeli cii wase se u nengen a vegher u mlu na ugenegh man mbamhen nav man mbamlu nav mba ke’ ishima mba sha kwagh u tom u i we un la, e̱r kwaghngeren u dondon ne una time sha mi nahan.
[Footnotes]
a Ke’ kwaghngeren ne, oraie ne pase mluashe u Yesu sha msenge u i senge ér ngu la, kua mlu u ice na i sha ityou man indyer na man ashe na cii. Orgeman Bibilo Edgar J. Goodspeed kaa wener, i e̱r aie ne nahan sha e̱r “i̱ zua sha mpase u i pase mluashe u Yesu ke’ ityakerada i mbàkpèlánakaa la yô.”
b A̱ shi nan kpa, mbayev mbara lu̱ anyom kposo kposo. Shi wan u Yairu u kwase u anyom 12 la kpa i yila un sha ishemberti i í gem heen ér “mbayev mba kiriki” ne. (Marku 5:39, 42; 10:13) Nahan kpa, ken kwaghngeren u Luka a nger sha itinekwagh shon i môm ne, a yar tom a ishemberti i̱ anikyundanev kpa í yer ve sha i̱ yô.—Luka 1:41; 2:12; 18:15.
c Nenge kwaghngeren u ke’ Iyoukura [Zwa Buter] i uwer u Aipor 1, 1998, u a lu a itinekwagh ér “Ka Ú Wa Iciviryolough Ve Ikyo Kpa?” la.
Ú Fatyô u Pasen Kpa?
• Yesu yange e̱r nena he’ shighe u mbahenen nav nôngo ér vea yange mbayev ve̱ de ve he’ a na ga laa?
• Yesu yange wa mbagenev ikyo sha nyi igbenda?
• Se hii nan ve se kav Yesu sha mkegh u yange keghen iyol u nan mbahenen nav jighjigh la?
• Se hii nan ve se kav vangertiôr u Yesu lu a mi sha mbahenen nav la?
[Picture on page 9]
Yange i kúndú mbayev iyol a Yesu
[Picture on page 10]
Yesu yange eren a mbagenev sha mhôôn
[Picture on page 11]
Mbatamen mba i fetyô u zan he’ a ve vangertiôr la mba iveren