• Öz zähmetiň hözirini gör
    «Özüňizi Hudaýyň söýgüsinde saklaň»

    • 6, 7. Isa yhlasly işgär adyny nädip gazandy?

      6 Isa ençeme ýyl zähmet çekip, yhlasly işgär adyny gazandy. Ol ýere gelmänkä, ökde «ussa», ýagny Hudaýyň kömekçisi hökmünde «gökde ýa ýerde bolsun» ähli zatlary ýaratmaga gatnaşdy (Süleýmanyň tymsallary 8:22—31; Koloslylar 1:15—17). Isa ýer ýüzünde-de yhlas bilen zähmet çekýärdi. Ol ýaşlygyndan gurluşyk işini öwrendi we «agaç ussasy» kimin tanalýardy (Markus 6:3)a. Bu hünär üçin güýç we dürli zähmet endiklerini edinmelidi, sebäbi şol döwürde agaç kesýän maşyn, gurluşyk materiallary we elektrik gurallary satylýan dükanlar ýokdy. Sen Isanyň agajy çapyp, ony işleýän ýerine getirişini göz öňüne getirip bilermiň? Onuň üçegi, gapyny, hatda öýe mebel ýasaýşyny göz öňüne getir. Elbetde, Isa ökde hem-de yhlasly edilen işiň lezzet berýändigini bilýärdi.