7 Si Solomon ay may 12 kinatawang opisyal sa buong Israel na naglalaan ng pagkain sa hari at sa sambahayan niya. Pananagutan ng bawat isa na maglaan ng pagkain sa loob ng isang buwan sa isang taon.+

22 Ang pagkain ni Solomon sa bawat araw ay 30 kor* ng magandang klase ng harina at 60 kor ng harina, 23 10 pinatabang baka, 20 bakang inalagaan sa pastulan, at 100 tupa, bukod pa sa ilang lalaking usa, gasela, maliliit na usa, at mga pinatabang kakok.*

4 Nang makita ng reyna ng Sheba ang lahat ng karunungan ni Solomon,+ ang bahay na itinayo niya,+ 5 ang pagkain sa mesa niya,+ ang pagkakaayos ng upuan ng mga opisyal niya, ang pagsisilbi ng kaniyang mga lingkod sa mesa niya at ang suot nila, ang mga tagapagsilbi niya ng inumin, at ang kaniyang mga haing sinusunog na regular niyang inihahandog sa bahay ni Jehova, manghang-mangha siya.*

21 Ang lahat ng inuman ni Haring Solomon ay gawa sa ginto, at ang lahat ng kagamitan sa Bahay ng Kagubatan ng Lebanon+ ay gawa sa purong ginto. Walang anumang gawa sa pilak, dahil walang halaga ang pilak noong panahon ni Solomon.+