Mga Awit

88 O Jehova, ang Diyos na tagapagligtas ko,+

Sa araw ay tumatawag ako sa iyo,

At sa gabi ay lumalapit ako sa iyo.+

 2 Makarating nawa sa iyo ang panalangin ko,+

Pakinggan mo ang* paghingi ko ng tulong.+

 3 Dahil ang buhay ko ay punô ng kapahamakan,+

At ang buhay ko ay napakalapit na sa Libingan.*+

 4 Kabilang na ako sa mga bumababa sa hukay;*+

Wala akong kalaban-laban,*+

 5 Iniwang kasama ng mga patay,

Gaya ng patay na nakahiga sa libingan,

Na hindi mo na inaalaala pa

At napawalay na sa pangangalaga* mo.

 6 Inilagay mo ako sa pinakamalalim na hukay,

Sa madidilim na lugar, sa malaking kalaliman.

 7 Damang-dama ko ang tindi ng galit mo,+

At pinahihirapan ako ng humahampas mong mga alon. (Selah)

 8 Inilayo mo sa akin ang mga kakilala ko;+

Ginawa mo akong kasuklam-suklam sa kanila.

Tumatawag ako sa iyo buong araw, O Jehova;+

Itinataas ko ang mga kamay ko sa iyo.

11 Ipahahayag ba sa libingan ang iyong tapat na pag-ibig,

Sa lugar ng pagkapuksa* ang iyong katapatan?

12 Malalaman ba sa kadiliman ang kamangha-mangha mong mga gawa

O ang iyong katuwiran sa lupain ng paglimot?+

13 Pero humihingi pa rin ako ng tulong sa iyo, O Jehova,+

Bawat umaga ay nananalangin ako sa iyo.+

15 Mula pagkabata,

Nagdurusa ako at handa nang mamatay;+

Manhid na ako sa masasaklap na bagay na hinahayaan mong maranasan ko.

16 Hindi ko na kaya ang nag-aalab mong galit;+

Mamamatay ako dahil sa matinding takot sa iyo.

17 Buong araw ako nitong pinapalibutan na parang tubig;

Palapit ito nang palapit sa akin mula sa lahat ng panig.*

18 Inilayo mo sa akin ang mga kaibigan at kasamahan ko;+

Kadiliman ang naging kasama ko.