Mga Awit

 3 Isaysay ninyo sa mga bansa ang kaluwalhatian niya,

Sa lahat ng bayan ang kaniyang kamangha-manghang mga gawa.+

 5 Ang lahat ng diyos ng mga bansa ay walang-silbing mga diyos,+

Pero si Jehova ang gumawa ng langit.+

 6 Napapalibutan siya ng dangal at kaluwalhatian;+

Nasa santuwaryo niya ang lakas at kagandahan.+

 7 Ibigay ninyo kay Jehova ang nararapat sa kaniya, kayong mga pamilya ng mga bayan,

Ibigay ninyo kay Jehova ang nararapat sa kaniya dahil sa kaniyang lakas at kaluwalhatian.+

 8 Ibigay ninyo kay Jehova ang kaluwalhatiang nararapat sa pangalan niya;+

Magdala kayo ng kaloob at pumasok sa mga looban niya.

 9 Yumukod* kayo kay Jehova nang may banal na kasuotan;*

Manginig kayo sa harap niya, buong lupa!

11 Magsaya ang langit, at magalak ang lupa;

Umugong ang dagat at ang lahat ng naroon;+

12 Magsaya ang mga parang at ang lahat ng naroon.+

Kasabay nito, ang mga puno sa kagubatan ay humiyaw sa kagalakan+

13 Sa harap ni Jehova, dahil dumarating* siya,

Dumarating siya para hatulan ang lupa.

Hahatulan niya ang lupa* ayon sa katuwiran+

At ang mga bayan ayon sa kaniyang katapatan.+