Mga Awit
Isang awit para sa araw ng Sabbath.
92 Mabuti ang magpasalamat kay Jehova+
At ang umawit ng mga papuri* sa pangalan mo, O Kataas-taasan,
2 Ang ihayag ang iyong tapat na pag-ibig+ sa umaga
At ang iyong katapatan gabi-gabi,
3 Gamit ang instrumentong may 10 kuwerdas at ang laud,
Sa saliw ng magandang himig ng alpa.+
4 Pinasaya mo ako, O Jehova, dahil sa mga ginagawa mo;
Dahil sa mga gawa ng iyong mga kamay ay humihiyaw ako sa kagalakan.
5 Kay dakila ng iyong mga gawa, O Jehova!+
Napakalalim ng iyong mga kaisipan!+
6 Ang mga iyon ay hindi malalaman ng taong walang unawa;
At hindi maiintindihan ng mangmang ang bagay na ito:+
7 Kahit na ang masasama ay sumisibol na gaya ng panirang-damo
At umuunlad ang lahat ng gumagawa ng mali,
Malilipol sila magpakailanman.+
8 Pero ikaw ay dadakilain magpakailanman, O Jehova.
9 Masdan mo ang pagkatalo ng mga kaaway mo, O Jehova,
Masdan mo ang pagkalipol ng mga kaaway mo;
Ang lahat ng gumagawa ng masama ay mangangalat.+
11 Makikita ko ang pagkatalo ng mga kalaban ko;+
Maririnig ko ang tungkol sa pagbagsak ng masasamang taong sumasalakay sa akin.
14 Kahit sa pagtanda,* magiging mabunga pa rin sila;+
Mananatili silang masigla* at sariwa+
15 Habang inihahayag nila na si Jehova ay matuwid.
Siya ang aking Bato,+ at walang makikitang kasamaan sa kaniya.