Ezekiel
19 “Umawit ka ng isang awit ng pagdadalamhati tungkol sa mga pinuno ng Israel, 2 at sabihin mo,
‘Ano ba ang iyong ina? Isang babaeng leon sa gitna ng mga leon.
Humiga siya kasama ng malalakas na leon at inalagaan ang mga anak niya.
3 Pinalaki niya ang isa sa mga anak niya, at ito ay naging malakas na leon.+
Natuto itong lumuray ng biktima;
Nanlapa pa nga ito ng mga tao.
4 Narinig ng mga bansa ang tungkol dito, at binitag nila ito sa kanilang hukay,
At gamit ang mga pangawit, dinala nila ito sa Ehipto.+
5 Naghintay siya pero nawalan din ng pag-asa na babalik pa ito.
Kaya kumuha siya ng isa pang anak niya para maging malakas na leon.
6 Gumala-gala rin ito kasama ng ibang leon at naging malakas na leon.
Natuto itong lumuray ng biktima at nanlapa pa nga ng mga tao.+
7 Gumala-gala ito sa palibot ng kanilang matitibay na tore at winasak ang mga lunsod nila,
Kaya umalingawngaw sa tiwangwang na lupain ang pag-ungal nito.+
8 Ang mga bansa sa nakapalibot na mga distrito ay dumating para hulihin ito ng lambat,
At nabitag ito sa kanilang hukay.
9 Gamit ang mga pangawit, inilagay nila ito sa kulungan at dinala sa hari ng Babilonya.
Ikinulong nila ito roon para hindi na marinig ang ungal nito sa mga bundok ng Israel.
10 Ang iyong ina ay gaya ng isang punong ubas+ sa iyong dugo,* na nakatanim sa tabi ng tubig.
Namunga ito at nagkaroon ng maraming sanga dahil sa saganang tubig.
11 Naging matibay ang mga sanga* nito, na puwedeng gawing setro ng mga tagapamahala.
Lumaki ito at mas tumaas pa sa ibang puno,
At madali itong makita dahil mataas ito at malago.
12 Pero dahil sa galit, binunot ito+ at ibinagsak sa lupa,
At tinuyo ng hanging silangan ang bunga nito.
Ang matitibay nitong sanga ay pinutol at natuyo+ at nilamon ng apoy.+
14 Kumalat ang apoy mula sa mga sanga* nito at nilamon ang mga supang* at bunga nito,
At walang natirang matibay na sanga, walang setro para sa pamamahala.+
“‘Iyan ay awit ng pagdadalamhati, na magiging kilalang awit ng pagdadalamhati.’”