JAHAZIEL

[Masdan Nawa ng Diyos; Minasdan ng Diyos].

1. Ikatlong nakatalang anak ni Hebron, isang Kohatita na mula sa tribo ni Levi.​—1Cr 23:6, 12, 19; 24:23.

2. Isa sa makapangyarihang mga lalaki na sumama kay David sa Ziklag.​—1Cr 12:1, 4.

3. Isa sa mga saserdoteng may mga trumpeta at nakatalaga sa harap ng kaban ng tipan matapos ipag-utos ni David na dalhin ito sa Jerusalem.​—1Cr 16:1, 6.

4. Ang Levita na pinalakas ng espiritu ni Jehova upang salitain ang mga salitang pampatibay-loob kay Haring Jehosapat at sa kongregasyon nang pagbantaan sila ng isang nakahihigit na hukbo ng kaaway. “Narito ang sinabi ni Jehova sa inyo, ‘Huwag kayong matakot o masindak man dahil sa malaking pulutong na ito,’⁠” ang pahayag ni Jahaziel, “⁠‘sapagkat ang pagbabaka ay hindi inyo, kundi sa Diyos. . . . Hindi ninyo kakailanganing lumaban sa pagkakataong ito. Lumagay kayo sa inyong dako, manatili kayong nakatayo at tingnan ninyo ang pagliligtas ni Jehova para sa inyo.’⁠” (2Cr 20:14-17) Si Jahaziel ay anak ni Zacarias, isang inapo ni Asap na mula sa pamilyang Gersom (Gerson [Gen 46:11]) ng mga Levita, samakatuwid ay hindi isang saserdote.​—1Cr 6:39-43.

5. Ang ama ni Secanias, na isa sa mga bumalik sa Jerusalem kasama ni Ezra noong 468 B.C.E.​—Ezr 8:1, 5.