Watchtower ONLINE LIBRARY

Mateo 5:32

Bagong Sanlibutang Salin ng Banal na Kasulatan
- 32 Pero sinasabi ko sa inyo na kapag diniborsiyo ng isa ang kaniyang asawang babae, malibang dahil sa seksuwal na imoralidad,* inilalagay niya ito sa panganib na mangalunya, at sinumang mag-asawa ng babaeng diniborsiyo ay nangangalunya.+

Mateo 5:32

Bagong Sanlibutang Salin ng Banal na Kasulatan
- 32 Gayunman, sinasabi ko sa inyo na ang bawat isa na dumidiborsiyo sa kaniyang asawang babae, malibang dahil sa pakikiapid,+ ay nagpapangyaring malantad siya sa pangangalunya,+ at ang sinumang mag-asawa ng isang babaing diniborsiyo ay nangangalunya.+

Mga Study Note sa Mateo—Kabanata 5

Bagong Sanlibutang Salin ng Banal na Kasulatan (Edisyon sa Pag-aaral)
- 5:32
  
  kapag diniborsiyo ng isa ang kaniyang asawang babae: Tingnan ang study note sa Mar 10:12.
  
  seksuwal na imoralidad: Ang salitang Griego na por·neiʹa ay sumasaklaw sa lahat ng uri ng pagtatalik na labag sa sinasabi ng Bibliya. Kasama rito ang pangangalunya, prostitusyon, seksuwal na gawain sa pagitan ng mga hindi mag-asawa, pakikipagtalik sa kasekso, at pakikipagtalik sa hayop.—Tingnan sa Glosari.
  
  inilalagay niya ito sa panganib na mangalunya: Hindi awtomatikong nagiging mangangalunya ang asawang babae kung diniborsiyo siya, pero nanganganib siyang maging mangangalunya. Kung nakipagdiborsiyo ang asawang lalaki pero hindi seksuwal na imoralidad (sa Griego, por·neiʹa) ang dahilan, ang babae ay nanganganib na maging mangangalunya kung makikipagtalik siya sa ibang lalaki. Ayon sa pamantayan ng Bibliya, hindi siya malayang mag-asawang muli malibang magbago ang kalagayan ng dati niyang asawa; halimbawa, kung mamatay ito o makipagtalik sa iba. Para sa mga Kristiyano, iyan din ang pamantayan para sa mga lalaki kung hindi seksuwal na imoralidad ang saligan ng pakikipagdiborsiyo ng kanilang asawang babae.
  
  babaeng diniborsiyo: Tumutukoy sa babaeng diniborsiyo pero hindi dahil sa “seksuwal na imoralidad.” (Sa Griego, por·neiʹa; tingnan ang study note sa seksuwal na imoralidad sa talatang ito.) Gaya ng makikita sa sinabi ni Jesus sa Mar 10:12, (tingnan ang study note), ito ang pamantayan lalaki man o babae ang nakipagdiborsiyo. Malinaw na itinuturo ni Jesus na kung ang mag-asawa ay nagdiborsiyo nang hindi dahil sa seksuwal na imoralidad, ang sinuman sa kanila ay magiging mangangalunya kung muli silang mag-aasawa. Ang lalaki o babaeng walang asawa na magpapakasal sa kanila ay magkakasala rin ng pangangalunya.—Mat 19:9; Luc 16:18; Ro 7:2, 3.