Iniligtas ng mga Hukom ang Israel Mula sa Paniniil

ANG aklat ng Mga Hukom ay isang kapana-panabik na ulat ng mga kabayanihan ng mga lalaking may pananampalataya na ibinangon ni Jehova upang iligtas ang Israel mula sa paniniil. Ang mga maniniil ay nanggaling sa iba’t ibang direksiyon; ang mga lugar kung saan naging aktibo ang mga Hukom ay hindi laging pare-pareho. Ngunit gaanuman kalakas ang kaaway, kapag ang Israel ay mapagpakumbabang nagsisi sa kanilang masasamang gawain at tunay na nagtiwala kay Jehova, inililigtas sila ng Hukom. Patiunang ipinaaaninaw ng aklat na ito ng Bibliya ang mas dakilang kaligtasan na ilalaan ng Diyos para sa kaniyang mga lingkod sa pamamagitan ng kaniyang Anak.