HIGAYON

Isang transliterasyon ng pananalitang Hebreo na hig·ga·yohnʹ, inuunawa ng mga leksikograpo na tumutukoy sa isang teknikal na termino sa pangangasiwa ng musika. (Aw 9:16) Salig sa konteksto ng mga paglitaw nito sa tekstong Hebreo, isinasalin ito sa iba’t ibang paraan bilang “mahinang pananalita,” “pagbubulay-bulay,” “mga kaisipan,” “melodya,” “malambing na musika,” “tumataginting na musika,” at “(mga) pagbubulung-bulong.” (Aw 19:14; 92:3; Pan 3:62, AT, Mo, NW, Ro, RS, Yg) Sa Awit 9:16, maaaring ang Higayon ay nagpapahiwatig ng alinman sa isang mapitagang interlude ng alpang mababa ang tono o isang mapitagang paghinto para sa pagbubulay-bulay.