-
‘Ang mga Pagpapala ay Para sa Matuwid’Ang Bantayan—2001 | Hulyo 15
-
-
Ang isang taong matuwid ay nagtatamasa rin ng isang uri ng katiwasayan na hindi nararanasan ng balakyot. “Siyang lumalakad sa katapatan ay lalakad nang tiwasay, ngunit siyang gumagawang liko sa kaniyang mga lakad ay makikilala. Ang nagkikindat ng kaniyang mata ay magdudulot ng kirot, at ang mangmang sa kaniyang mga labi ay yuyurakan.”—Kawikaan 10:9, 10.
-
-
‘Ang mga Pagpapala ay Para sa Matuwid’Ang Bantayan—2001 | Hulyo 15
-
-
Naiiba ang situwasyon ng taong napadadala sa kawalang-katapatan (dishonesty) dahil sa sakim na pakinabang. Maaaring sikapin ng isang manlilinlang na itago ang kaniyang kasinungalingan sa pamamagitan ng likong pananalita o galaw ng katawan. (Kawikaan 6:12-14) Ang pagkindat ng kaniyang mata na may masamang hangarin o layuning manlinlang ay maaaring magdulot ng paghihirap ng isipan sa mga biktima ng kaniyang panlilinlang. Ngunit sa malao’t madali, mahahayag ang kalikuan ng gayong tao. Sumulat si apostol Pablo: “Ang mga kasalanan ng ilang tao ay hayag sa madla, na tuwirang umaakay sa paghatol, ngunit kung tungkol naman sa ibang mga tao ang kanilang mga kasalanan ay nagiging hayag din sa kalaunan. Gayundin naman ang maiinam na gawa ay hayag sa madla at yaong mga di-gayon ay hindi maiingatang nakatago.” (1 Timoteo 5:24, 25) Sinuman ang nasasangkot—kahit magulang, kaibigan, asawa, o kakilala—ang kawalang-katapatan ay nabubunyag sa kalaunan. Sino ang magtitiwala sa isang tao na may reputasyon sa pagiging di-matapat?
-