7. Ayon sa Kawikaan 9:13-18, ano ang mangyayari sa mga tumanggap sa imbitasyon ng “babaeng mangmang”? (Tingnan din ang larawan.)

⁷ Pag-isipan ang imbitasyon ng “babaeng mangmang.” (Basahin ang Kawikaan 9:13-18.) Hindi siya nahihiyang yayaing kumain sa bahay niya ang mga kulang sa unawa. Pero ano ang mangyayari sa kanila? “Ang mga bisita niya ay nasa kailaliman na ng Libingan.” May ganiyan ding uri ng babae sa naunang mga kabanata ng Kawikaan. May binanggit na “imoral” at “masamang babae,” at sinabing “palubog sa kamatayan ang bahay niya.” (Kaw. 2:11-19) Sa Kawikaan 5:3-10, may binanggit din na “masamang babae,” at “ang mga paa niya ay papunta sa kamatayan.”

¹⁰ Ang seksuwal na imoralidad ay puwedeng mauwi sa kahihiyan, pagkadama ng kawalan ng halaga, di-inaasahang pagbubuntis, at pagkasira ng pamilya. Kaya talagang dapat nating tanggihan ang imbitasyon ng “babaeng mangmang.” Bukod sa maiwawala ng mga taong imoral ang pakikipagkaibigan nila kay Jehova, puwede rin silang magkaroon ng nakakamatay na mga sakit. (Kaw. 7:23, 26) Gaya nga ng sinasabi sa kabanata 9, talata 18: “Ang mga bisita niya ay nasa kailaliman na ng Libingan.” Pero bakit marami pa rin ang tumatanggap sa imbitasyon niya?​—Kaw. 9:13-18.

17-18. Ano ang mga pagpapala ng mga tumanggap sa imbitasyon ng “tunay na karunungan,” at anong pag-asa ang naghihintay sa kanila? (Tingnan din ang larawan.)

¹⁷ Ginamit ni Jehova ang dalawang makasagisag na babae para ipakita kung paano tayo magkakaroon ng masayang buhay ngayon at sa hinaharap. Ang mga tumanggap sa imbitasyon ng “babaeng mangmang” ay nasisiyahan ngayon sa seksuwal na imoralidad. Pero hindi nila alam ang mangyayari sa kanila sa hinaharap. Dahil sa mga ginagawa nila, mapupunta sila sa ‘kailaliman ng Libingan.’—Kaw. 9:13, 17, 18.