-
“Ang mga Matuwid ay Sisikat Nang Maliwanag na Gaya ng Araw”Ang Bantayan—2010 | Marso 15
-
-
5. Sino ang kaaway sa ilustrasyon? Kanino kumakatawan ang mga panirang-damo?
5 Sino ang kaaway, at sino ang mga panirang-damo? Sinasabi sa atin ni Jesus na ang kaaway “ay ang Diyablo.” Ang mga panirang-damo naman ay ang “mga anak ng isa na balakyot.” (Mat. 13:25, 38, 39) Sa literal na diwa, posibleng ang bearded darnel ang panirang-damo na tinutukoy ni Jesus. Kapag murà pa, ang nakalalasong halamang ito ay kahawig na kahawig ng trigo. Kagayang-kagaya ito ng mga huwad na Kristiyano na nag-aangking mga anak ng Kaharian gayong hindi naman nagluluwal ng tunay na bunga! Ang totoo, ang mapagpaimbabaw na mga Kristiyanong ito na nag-aangking mga tagasunod ni Kristo ay bahagi ng “binhi” ni Satanas na Diyablo.—Gen. 3:15.
-
-
“Ang mga Matuwid ay Sisikat Nang Maliwanag na Gaya ng Araw”Ang Bantayan—2010 | Marso 15
-
-
7. Naging panirang-damo ba ang ilang trigo? Ipaliwanag.
7 Hindi sinabi ni Jesus na magiging panirang-damo ang trigo. Sa halip, sinabi niyang ang mga panirang-damo ay inihasik sa gitna ng trigo. Kaya ang ilustrasyong ito ay hindi lumalarawan sa mga tunay na Kristiyanong lumihis sa katotohanan. Sa halip, tumutukoy ito sa pagsisikap ni Satanas na haluan ng masasamang tao ang kongregasyong Kristiyano. Noong matanda na ang huling apostol na si Juan, kitang-kita na ang apostasyang ito.—2 Ped. 2:1-3; 1 Juan 2:18.
-
-
“Ang mga Matuwid ay Sisikat Nang Maliwanag na Gaya ng Araw”Ang Bantayan—2010 | Marso 15
-
-
Ang Pinakahihintay na Panahon ng Pag-aani
10, 11. (a) Kailan ang panahon ng pag-aani? (b) Paano dinadala sa kamalig ni Jehova ang makasagisag na trigo?
10 Sinasabi sa atin ni Jesus: “Ang pag-aani ay katapusan ng isang sistema ng mga bagay, at ang mga manggagapas ay mga anghel.” (Mat. 13:39) Sa mga huling araw ng napakasamang sistemang ito ng mga bagay, may nagaganap na pagbubukud-bukod—ang mga anak ng Kaharian ay tinitipon at inihihiwalay sa sinumang tulad-panirang-damo. Hinggil dito, sinasabi sa atin ni apostol Pedro: “Ito ang takdang panahon upang ang paghatol ay pasimulan sa bahay ng Diyos. Ngayon kung ito ay nagsisimula muna sa atin, ano kaya ang magiging wakas niyaong mga hindi masunurin sa mabuting balita ng Diyos?”—1 Ped. 4:17.
11 Di-nagtagal matapos magsimula ang mga huling araw, o ang “katapusan ng isang sistema ng mga bagay,” nagsimula ang paghatol sa mga nagsasabing sila’y tunay na Kristiyano—kung talaga ngang sila’y “mga anak ng kaharian” o “mga anak ng isa na balakyot.” Sa pasimula ng pag-aani, bumagsak “muna” ang Babilonyang Dakila, at “pagkatapos,” tinipon ang mga anak ng Kaharian. (Mat. 13:30) Pero paano ba dinadala ngayon sa kamalig ni Jehova ang makasagisag na trigo? Ang mga inaning ito ay dinadala sa isinauling kongregasyong Kristiyano, kung saan natatamasa nila ang paglingap at proteksiyon ng Diyos, o kaya ay tumatanggap ng kanilang gantimpala sa langit.
12. Gaano katagal ang pag-aani?
12 Gaano katagal ang paghatol? Ang pag-aani ay tinukoy ni Jesus na “kapanahunan,” kaya nagaganap ito sa loob ng isang yugto ng panahon. (Apoc. 14:15, 16) Ang paghatol sa bawat miyembro ng pinahiran ay magpapatuloy hanggang sa panahon ng kawakasan. Magtatapos ito kapag naisagawa na sa kanila ang huling pagtatatak.—Apoc. 7:1-4.
-