• Maaari Mong Matamo ang Iyong Kapatid
    Ang Bantayan—1999 | Oktubre 15

    • 5, 6. Ayon sa konteksto, sa anong uri ng kasalanan tumutukoy ang Mateo 18:15, at ano ang nagpapahiwatig niyan?

      5 Ang totoo, ang ipinayo ni Jesus ay may kaugnayan sa mas malulubhang bagay. Sinabi ni Jesus: “Kung ang kapatid mo ay makagawa ng kasalanan.” Sa malawakang diwa, ang isang “kasalanan” ay maaaring anumang pagkakamali o pagkukulang. (Job 2:10; Kawikaan 21:4; Santiago 4:17) Gayunman, ipinahihiwatig ng konteksto na ang kasalanang ibig sabihin ni Jesus ay yaong mas malubha. Gayon na lamang ang kaselangan nito anupat nagiging dahilan tuloy ito upang ituring ang nagkamali bilang “gaya ng tao ng mga bansa at gaya ng maniningil ng buwis.” Ano ang ipinahihiwatig ng pariralang iyan?

      6 Batid ng mga alagad ni Jesus na nakarinig ng mga salitang iyon na ang kanilang mga kababayan ay hindi nakikisalamuha sa mga Gentil. (Juan 4:9; 18:28; Gawa 10:28) At tiyak na iniiwasan nila ang mga maniningil ng buwis, na mga ipinanganak na mga Judio subalit naging mga abusado sa mga tao. Kaya ang totoo, ang tinutukoy sa Mateo 18:15-17 ay hinggil sa malulubhang kasalanan, hindi personal na pang-iinsulto o pananakit na madaling patawarin at limutin.​—Mateo 18:21, 22.a

  • Maaari Mong Matamo ang Iyong Kapatid
    Ang Bantayan—1999 | Oktubre 15

    • a Ganito ang sinasabi sa McClintock and Strong’s Cyclopedia: “Ang mga publikano [maniningil ng buwis] ng Bagong Tipan ay itinuturing na mga traidor at apostata, na pinarumi ng kanilang malimit na pakikipag-ugnayan sa mga pagano at mga taong handang magpagamit sa umaapi. Sila’y ibinilang na makasalanan . . . Palibhasa’y nilalayuan, anupat ayaw makasalamuha ng mga taong may marangal na pamumuhay, ang tangi nilang mga kaibigan o kasamahan ay yaong mula sa mga tulad din nilang itinakwil ng lipunan.”