-
Umasa kay Jehova Para sa KaaliwanAng Bantayan—1996 | Nobyembre 1
-
-
14. (a) Ano ang ipinangako ni Jesus nang gabi bago siya mamatay? (b) Ano ang kailangan upang makinabang tayo nang lubusan sa kaaliwan ng banal na espiritu ng Diyos?
14 Nang gabi bago siya mamatay, niliwanag ni Jesus sa kaniyang tapat na mga apostol na malapit na niya silang iwan at babalik na siya sa kaniyang Ama. Ito’y nakabalisa at nakapighati sa kanila. (Juan 13:33, 36; 14:27-31) Palibhasa’y nababatid na kailangan nila ang patuloy na kaaliwan, nangako si Jesus: “Ako ay hihiling sa Ama at bibigyan niya kayo ng ibang mang-aaliw upang makasama ninyo magpakailanman.” (Juan 14:16, talababa sa Ingles) Tinutukoy rito ni Jesus ang banal na espiritu ng Diyos, na ibinuhos sa kaniyang mga alagad 50 araw pagkatapos na siya’y buhaying-muli.a Bukod sa ibang bagay, inaliw sila ng espiritu ng Diyos sa panahon ng kanilang mga pagsubok at pinalakas sila upang patuloy na gawin ang kalooban ng Diyos. (Gawa 4:31) Gayunman, hindi dapat isipin na kusa na lamang darating ang gayong tulong. Upang lubusang makinabang mula rito, ang bawat Kristiyano ay dapat na patuloy na manalangin para sa nakaaaliw na tulong na inilalaan ng Diyos sa pamamagitan ng kaniyang banal na espiritu.—Lucas 11:13.
-
-
Umasa kay Jehova Para sa KaaliwanAng Bantayan—1996 | Nobyembre 1
-
-
a Ang isa sa mga pangunahing pagkilos ng espiritu ng Diyos sa unang-siglong mga Kristiyano ay ang pahiran sila bilang espirituwal na mga anak na inampon ng Diyos at bilang mga kapatid ni Jesus. (2 Corinto 1:21, 22) Ito ay nakalaan lamang sa 144,000 alagad ni Kristo. (Apocalipsis 14:1, 3) Sa ngayon ang karamihan sa mga Kristiyano ay may kabaitang binibigyan ng pag-asa ng buhay na walang-hanggan sa paraisong lupa. Bagaman hindi pinahiran, sila din naman ay tumatanggap ng tulong at kaaliwan ng banal na espiritu ng Diyos.
-