Isang Panalangin ng Pasasalamat

1. Diyos na Jehova, maraming salamat,

At nais ka naming papurihan.

Kami’y mahal mo at ’yong nililingap.

Lubos ka naming paglilingkuran.

Araw-araw kami ay nagkukulang;

Humihiling ng kapatawaran.

Salamat dahil kami’y tinubos mo

At alam mong kami’y alabok lang.

2. Salamat sa kabaitan mo sa ’min;

Inilapit mo kami sa iyo.

Turuan mong higit kang makilala

Para maging matapat sa iyo.

Espiritu mo’y tumutulong sa ’min.

Dahil dito, may lakas ng loob.

Salamat po at ’yong sinang-ayunan,

Aming kagalakan na maglingkod.