IKALIMANG SEKSIYON
‘Maninirahan Ako sa Gitna ng Bayan’—Ibinalik ang Dalisay na Pagsamba kay Jehova
POKUS: Mga detalye ng pangitain tungkol sa templo at ang matututuhan natin sa mga ito tungkol sa dalisay na pagsamba
Binigyan ni Jehova si propeta Ezekiel at si apostol Juan ng mga pangitaing may kapansin-pansing pagkakatulad. Ang mga detalye ng mga pangitaing iyon ay magtuturo sa atin ng mahahalagang aral para maging katanggap-tanggap ang pagsamba natin kay Jehova. At sa tulong ng mga detalyeng ito, mailalarawan natin sa isip ang magiging buhay sa Paraiso sa ilalim ng Kaharian ng Diyos.