Tokambe la Dibuku Tɛmɔla Nzambi dia Mbeka l’Anto Bible
Dibuku Tɛmɔla Nzambi Ɔtɔi ka Mɛtɛ diambotondjama dia kimanyiya eyoyo woho wa vɔ pama l’akambo wa mɛtɛ ndo monga la lowando l’efula otsha le Jehowa ndo otsha le ɔlɔngɔswamelo ande. Sho koka kamba la diɔ oko dibuku dia hende dia wekelo. Olimu Aso wa Diolelo wa Ngɔndɔ ka Samalo 2000, lɛkɛ 4, mbutaka ɔnɛ: “Naka mɛnamaka dia onto ekɔ lo tahame, kânga ɔkɔkɛ ndo ekɔ lo ngɛnangɛna kɛnɛ katandeke, kete kokaka tetemala la wekelo wa Bible lo dibuku dikina l’ɔkɔngɔ wa shidiya biukubuku Katɔlɔmba ndo dibuku Ewo. . . . Mbala tshɛ, nyayohombaka tatɛ mbeka l’onto lo biukubuku Katɔlɔmba la lo dibuku Ewo. Oyadi kânga ombeki wa Bible ambobatizamaka la ntondo ka nde shidiya dibuku dia hende, nyu kokaka mbadia wekelo wa Bible, waendelo w’eyoyo ndo wenya wetshanyu la nde lo alapɔlɔ anyu w’olimu.”
Anto akɔna wakokaso mbeka la wɔ nto lo dibuku Tɛmɔla Nzambi na? Sawo diakɔ diamɛ sɔ mbutaka nto ɔnɛ: “Ko naka wɛ mbeyaka anto ɔmɔtshi wakekaka dibuku Ewo lo nshi yakete koko kopama dia koma polo ndo lo ndjoyakimɔ le Nzambi ndo batizama, ondo wɛ kokaka mbɔsa yɛdikɔ ya towaenda dia mbeya kana vɔ wâkalange nyomotetemala la wekelo awɔ wa Bible.” Nyɛsɔ todje welo wa lânde dia tatɛ mbeka la weho w’anto asɔ lo dibuku Tɛmɔla Nzambi lo Ngɔndɔ ka Sato la ka Nɛi.