24 Mo bosigong joo, Jehofa o ne a iponatsa kwa go ene a bo a re: “Ke nna Modimo wa ga Aborahame rrago.+ O se ka wa boifa+ ka gonne ke na le wena, mme ke tla go segofatsa ke bo ke dira gore losika lwa gago lo nne lontsi ka ntlha ya ga Aborahame motlhanka wa me.”+ 25 Ka jalo, o ne a aga sebeso gone mme a bitsa leina la ga Jehofa.+ Isake o ne a tlhoma tente ya gagwe gone,+ mme batlhanka ba gagwe ba ne ba epa sediba gone.