10 Jaanong mo Baiseraeleng go ne go na le morwa mongwe yo mmaagwe e neng e le Moiseraele mme rraagwe e le Moegepeto,+ mme ene le monna mongwe wa Moiseraele ba ne ba lwela mo teng ga kampa. 11 Morwa yono yo mmaagwe e neng e le Moiseraele o ne a simolola go dirisa Leina* ka tsela e e sa tshwanelang le go le tlhapatsa.*+ Ka jalo, ba ne ba mo tlisa kwa go Moshe.+ Mme leina la ga mmaagwe e ne e le Shelomithe, morwadia Diberi wa lotso lwa ga Dana.

32 Fa Baiseraele ba ne ba sa ntse ba le mo nageng, ba ne ba fitlhela motho a rwalela dikgong ka letsatsi la Sabata.+ 33 Ba ba neng ba mo fitlhela a rwalela dikgong ba ne ba mo tlisa kwa go Moshe le Arone le kwa phuthegong yotlhe.

17 Ga lo a tshwanela go tlhaola fa lo atlhola.+ Lo utlwe yo monnye fela jaaka yo mogolo.+ Ga lo a tshwanela go tshosiwa ke batho,+ ka gonne katlholo ke ya Modimo;+ mme fa kgang e le thata mo go lona, lo e tlise kwa go nna, mme ke tla e utlwa.’+