3 “‘Fa e le gore o ntsha setlhabelo se se fisiwang go tswa mo motlhapeng, a a ntshe phologolo e tonanyana e e itekanetseng sentle.+ A e ise ka go rata+ fa pele ga ga Jehofa kwa kgorong ya tente ya bokopanelo.

22 Go se ka ga ntshiwa setlhabelo ka phologolo e e foufetseng, e e robegileng, e e segegileng, e e nang le kakana,* e e nang le magogo kgotsa e e nang le bolwetse bongwe jwa letlalo; ga lo a tshwanela go isetsa Jehofa sepe sa dilo tseno kgotsa lwa ntshetsa Jehofa setlhabelo se se ntseng jalo mo sebesong.

21 Mme fa leitibolo leo le na le bogole, gongwe le tlhotsa, le foufetse kgotsa le na le bogole bope jo bo maswe, ga o a tshwanela go isetsa Jehofa, Modimo wa gago setlhabelo+ ka lone.

17 “Ga o a tshwanela go ntshetsa Jehofa, Modimo wa gago setlhabelo ka poo kgotsa nku e e nang le bogole kgotsa e e nang le sepe fela se se sa siamang, ka gonne e tla nna selo se se makgapha mo go Jehofa, Modimo wa gago.+