14 Ka jalo, ene o ne a re: “Nna ka bonna* ke tla tsamaya le wena,+ mme ke tla go naya boikhutso.”+

10 Fa lo kgabaganya Joredane+ lo bo lo nna mo lefatsheng le Jehofa, Modimo wa lona a le lo nayang gore lo le rue, ruri o tla lo naya boikhutso, go se na mmaba ope yo o lo dikologileng yo o tla lo tshwenyang, mme lo tla nna ka polokesego.+

13 “Gakologelwang se Moshe motlhanka wa ga Jehofa a se lo laetseng+ a re: ‘Jehofa, Modimo wa lona o lo naya boikhutso e bile o lo neile lefatshe leno.

23 Ka jalo, Joshua o ne a gapa lefatshe leo lotlhe, fela jaaka Jehofa a ne a solofeditse Moshe,+ mme go tswa foo, Joshua o ne a le abela Baiseraele gore e nne boswa go ya ka dikabelo tsa bone tse di neng di tshwanetse go kgaoganyediwa ditso tsa bone.+ Mme go ne go sa tlhole go na le ntwa mo lefatsheng.+

4 Jaanong Jehofa, Modimo wa lona o neile bomorwarraalona boikhutso, fela jaaka a ne a ba solofeditse.+ Mme jaanong lo ka nna lwa boela kwa ditenteng tsa lona kwa lefatsheng le Moshe motlhanka wa ga Jehofa a neng a le lo naya gore lo le rue ka kwa letlhakoreng le lengwe* la Joredane.+