18 Go tswa foo, moengele wa ga Jehofa o ne a raya Gada+ a re a bolelele Dafide gore a tsamaye mme a ye go agela Jehofa sebeso kwa seboaneng sa ga Orenane wa Mojebuse.+ 19 Ka jalo, Dafide o ne a tsamaya go dumalana le se Gada a neng a se buile mo leineng la ga Jehofa. 20 Mo nakong eo, Orenane o ne a retologa mme a bona moengele, mme bomorwawe ba banê ba ba neng ba na le ene ba ne ba iphitlha. Orenane o ne a ntse a photha korong. 21 E rile Dafide a goroga kwa go Orenane, o ne a leba mme a bona Dafide, mme ka yone nako eo a tswa mo seboaneng a bo a ikoba fa pele ga ga Dafide sefatlhego sa gagwe se lebile fa fatshe. 22 Dafide o ne a raya Orenane a re: “Nthekisetse* setsha sa seboana, gore ke agele Jehofa sebeso mo go sone. Se nthekisetse ka tlhwatlhwa e e feletseng, gore petso e e wetseng batho e tle e emisiwe.”+ 23 Le fa go ntse jalo, Orenane o ne a raya Dafide a re: “Se tseye e nne sa gago, mme morena wa me kgosi, dira se o bonang se le molemo mo go wena.* Bona, ke go naya le dikgomo gore e nne tsa ditlhabelo tse di fisiwang le selei sa go photha+ gore e nne dikgong le korong e le setlhabelo sa dijo tsa ditlhaka. Ke go di naya tsotlhe fela.”

3 Go tswa foo, Solomone o ne a simolola go aga ntlo ya ga Jehofa+ kwa Jerusalema mo Thabeng ya Moria,+ kwa Jehofa a neng a iponaditse mo go Dafide rraagwe Solomone gone,+ mo lefelong le Dafide a neng a le baakantse mo seboaneng sa ga Orenane+ wa Mojebuse.