• 1 Samuele 24:11
    Baebele ya Thanolo ya Lefatshe le Lesha

    • 11 Rra, leba mme o bone ntlha ya seaparo sa gago se se se nang mabogo mo seatleng sa me; gonne fa ke ne ke kgaola ntlha ya seaparo sa gago se se se nang mabogo ga ke a ka ka go bolaya. Jaanong o kgona go bona le go tlhaloganya gore ga ke a ikaelela go go gobatsa kgotsa go go tlhanogela e bile ga ke a go leofela,+ le fa wena o ntse o ntsoma o batla go mpolaya.+

  • 2 Samuele 22:21-25
    Baebele ya Thanolo ya Lefatshe le Lesha

    • 21 Jehofa o nnaya maduo ka gonne ke siame;+

      O a ntuela ka gonne ga ke na molato.*+

      22 Gonne ke ikobela melao ya ga Jehofa ka metlha,

      E bile ga ke a dira selo se se bosula ka go latlha Modimo wa me.

      23 Dikatlholo+ tsa gagwe tsotlhe di fa pele ga me;

      Ga nkitla ke fapoga mo melaong ya gagwe.+

      24 Ke tla nna ke le yo o siameng+ fa pele ga gagwe,

      E bile ke tla ithiba gore ke se ka ka dira molato ope.+

      25 E kete Jehofa a ka ntuela go ya ka tshiamo ya me,+

      Go ya ka go tlhoka molato ga me fa pele ga gagwe.+

  • Pesalema 24:3, 4
    Baebele ya Thanolo ya Lefatshe le Lesha

    •  3 Ke mang yo o ka tlhatlogelang kwa thabeng ya ga Jehofa,+

      E bile ke mang yo o ka emang mo lefelong la gagwe le le boitshepo?

       4 Ke ope fela yo diatla tsa gagwe di se nang molato le yo pelo ya gagwe e leng phepa,+

      Yo o sa ikanang ka maaka ka botshelo jwa Me,*

      E bile a sa dira maikano ka tsietso.+