29 Go tswa foo, Modimo o ne a re: “Ke lo neile semela sengwe le sengwe se se ntshang peo se se mo lefatsheng lotlhe le setlhare sengwe le sengwe sa maungo a a nang le peo. A e nne dijo tsa lona.+

3 Lo ka nna lwa ja phologolo nngwe le nngwe e e tshelang.+ Fela jaaka ke lo neile dimela tse ditala, diphologolo tsotlhe le tsone ke a lo di naya gore e nne dijo tsa lona.+

25 “Ka ntlha ya seno ke lo raya ke re: Tlogelang go tlhobaela+ ka matshelo* a lona ka ga gore lo tla ja eng kgotsa lo tla nwa eng, kgotsa ka mebele ya lona gore lo tla apara eng.+ A botshelo* ga bo botlhokwa go feta dijo, le mmele go feta diaparo?+

30 Jaanong fa e le gore Modimo o kgona go apesa dimela tsa naga, tse di leng gone gompieno mme kamoso di bo di latlhelwa mo molelong, a ga a kitla a lo apesa go feta tsone, lona ba lo nang le tumelo e potlana?

16 “Gonne Modimo o ratile lefatshe thata mo a ileng a ntsha Morwawe yo o tshotsweng a le esi,+ gore mongwe le mongwe yo o dumelang mo go ene a se ka a senngwa mme a nne le botshelo jo bo sa khutleng.+

17 le fa gone a ile a itshupa gore ke mang+ ka go dira dilo tse di molemo, a lo nesetsa dipula go tswa kwa legodimong e bile a lo naya dipaka tsa thobo e ntsi,+ gore lo nne le dijo tse lo ka di jang gore lo kgotsofale le gore lo itumele.”+

6 Le fa go ntse jalo, motho mongwe o ne a naya bosupi a re: “Tota motho ke eng go bo o nna o mo gopotse kgotsa morwa motho ke eng go bo o mo tlhokomela?+ 7 O ne wa dira gore a nne kwa tlasenyana ga baengele; o ne wa mo naya kgalalelo le tlotlo, wa bo wa mo tlhoma gore a okamele dilo tse o di bopileng. 8 O beile dilo tsotlhe mo taolong ya gagwe.”+ Fa Modimo a ne a dira gore a laole dilo tsotlhe,+ ga a ka a dira gore go nne le sepe se a sa se laoleng.+ Le fa go ntse jalo, gone jaanong ga re ise re bone a laola dilo tsotlhe.+